കാസർകോട്: കാസർകോട്- തിരുവനന്തപുരം വന്ദേഭാരത് എക്സ്പ്രസിന്‍റെ ശുചിമുറിയുടെ വാതിൽ തുറക്കാതെ അടച്ചിരുന്ന യാത്രക്കാരനെ പുറത്തിറക്കി. ഷൊർണൂരിൽ എത്തിച്ച ശേഷം വിദഗ്ദസംഘം പൂട്ടുപൊളിച്ചാണ് യാത്രക്കാരനെ പുറത്തിറക്കിയത്. ഇയാൾ മുംബൈ സ്വദേശി ചരൺ ആണെന്നാണ് ആർപിഎഫിന് മൊഴി നൽകിയത്.

ഉള്ളിൽ നിന്നും കയർ കെട്ടിയാണ് ഇയാൾ ശുചിമുറിയിൽ ഇരുന്നത്. കാസർകോട്ട് നിന്നാണ് ഇയാൾ എക്സ്പ്രസിന്‍റെ എക്സിക്യൂട്ടീവ് കോച്ചിന്‍റെ ശുചിമുറിയിൽ കയറിയിത്. ഇയാളുടെ ദേഹമാസകലം പരുക്കേറ്റ പാടുകൾ കണ്ടെത്തിയ കാര്യത്തിലും ദുരൂഹതയുണ്ട്. നിലവിൽ ഇയാളെ ആർപിഎഫ് സംഘം ചോദ്യം ചെയ്യുകയാണ്.