തിരുവനന്തപുരം: ശബരിമലയിൽ ഇടിമിന്നലേറ്റാണ് വൈദ്യുതി ബന്ധം നിലച്ചതെന്നും സംഭവം നടന്ന് 45 മിനുട്ടിനുള്ളിൽ പ്രശ്നം പരിഹരിച്ചെന്നും തിരുവിതാംകൂര് ദേവസ്വം ബോര്ഡ് പ്രസിഡന്റ് പി.എസ്. പ്രശാന്ത്. അതേസമയം, നീലിമലമുതല് അപ്പാച്ചിമേടുവരെയുള്ള പാതയിൽ ശനിയാഴ്ച വൈകുന്നേരം ഏഴുമണി മുതൽ പുലർച്ചെ 12.30 വരെ വൈദ്യുതിയില്ലായിരുന്നു എന്നാണ് ഭക്തന്മാരുടെയുൾപ്പടെ പ്രതികരണം. മൊബൈല് ഫോൺ വെളിച്ചത്തിലാണ് ഭക്തര് മല കയറുകയും ഇറങ്ങുകയും ചെയ്തതെന്നും മഴയും തിരക്കുമെല്ലാം ബുദ്ധിമുട്ട് സൃഷ്ടിച്ചെന്നും ഭക്തന്മാർ പറയുന്നു.
തുലാമാസ പൂജക്കായി ശബരിമല നട തുറന്നപ്പോള് പ്രതീക്ഷിച്ചതിനേക്കാൾ കൂടുതൽ ഭക്തരാണ് ഇത്തവണ എത്തിയതെന്ന് ദേവസ്വം ബോര്ഡ് പ്രസിഡന്റ് പറഞ്ഞു. കാനന ക്ഷേത്രമായതിനാൽ ചെയ്യാൻ കഴിയുന്ന കാര്യങ്ങളില് പരിമിതിയുണ്ടെന്നും ചെറിയ ചെറിയ കാര്യങ്ങളെ പര്വതീകരിച്ച് നൽകുന്നത് മണ്ഡലകാലത്തെ ബാധിക്കുമെന്നും അദ്ദേഹം പറഞ്ഞു. വെള്ളിയാഴ്ചയും ശനിയാഴ്ചയും 55,000 പേര് വെര്ച്വല് ക്യൂ വഴി ബുക്ക് ചെയ്ത് ദര്ശനം നടത്തിയിരുന്നു. പടി പൂജയും ഉദയാസ്തമയ പൂജയും നടന്നതിനാൽ കൂടുതൽ സമയം വേണ്ടിവന്നു. അതിനാൽ കുറച്ചധികം നേരം ഭക്തര്ക്ക് കാത്തുനില്ക്കേണ്ടിവന്നിട്ടുണ്ട്. വനത്താൽ ചുറ്റപ്പെട്ട ക്ഷേത്രത്തിൽ ചെയ്യാൻ കഴിയുന്ന കാര്യങ്ങള്ക്ക് പരിമിതിയുണ്ട്.
വെര്ച്വല് ക്യൂ വഴിയും അതില്ലാതെ വരുന്നവര്ക്കും ദര്ശനം ലഭിക്കും. ശബരിമലയിലെത്തുന്ന എല്ലാ വിശ്വാസികള്ക്കും ദര്ശനം ലഭിക്കും. സ്പോട്ട് ബുക്കിങ് ഇല്ലെന്നായിരുന്നു പരാതി.അതും ഇപ്പോൾ പരിഹരിച്ചു. കഴിഞ്ഞ തവണ സന്നിധാനത്ത് ചെന്ന് പ്രശ്നങ്ങള് നോക്കികണ്ടതിനു ശേഷം കുറേ കാര്യങ്ങള് ചെയ്ത് മുന്നോട്ടുപോവുകയാണ്. നവംബര് 10-ഓടെ കൂടി എല്ലാവിധ ക്രമീകരണങ്ങളും പൂര്ത്തീകരിക്കാനാവും. കഴിഞ്ഞ തവണ പമ്പയില് മൂന്ന് നടപന്തലേ ഉണ്ടായിരുന്നുള്ളൂ. 1500 പേര്ക്ക് മാത്രം വരിനില്ക്കാന് പറ്റുന്ന പന്തലില് ആളുകൂടിയപ്പോള് പ്രശ്നമായി. എന്നാല് അതിനു പരിഹാരമായി നാല് നടപ്പന്തലിന്റെ കൂടി നിര്മാണം നടന്നുകൊണ്ടിരിക്കുകയാണ്. അത് കഴിഞ്ഞാല് ഏഴ് നടപ്പന്തലാകും. ഏതാണ്ട് 3500 പേര്ക്ക് വരെ വരിനില്ക്കാന് സാധിക്കും. പ്രളയത്തില് ഒലിച്ചുപോയ രാമമൂര്ത്തി മണ്ഡപത്തിനു പകരം മറ്റൊരു പന്തല് നിര്മിക്കുകയാണെന്നും പ്രസിഡന്റ് ചൂണ്ടിക്കാട്ടി.
ദേവസ്വം ബോർഡ് പൂർണമായും ഡിജിറ്റലൈസ് ചെയ്യുന്നു
തിരുവിതാംകൂര് ദേവസ്വം ബോർഡിന്റെ പ്ലാറ്റിനം ജൂബിലി ആഘോഷങ്ങളുടെ ഭാഗമായി ബോര്ഡ് പൂര്ണമായും ഡിജിറ്റലൈസ് ചെയ്യുന്നു. പദ്ധതിയുടെ ഉദ്ഘാടനം മുഖ്യമന്ത്രി പിണറായി വിജയൻ നിര്വഹിക്കും. ഇതോടൊപ്പം മൂന്ന് ഡയാലിസിസ് യൂണിറ്റുകൾ ഉദ്ഘാടനം ചെയ്യും. തിരുവിതാംകൂര് ദേവസ്വം ബോര്ഡ് ജീവനക്കാര് വയനാടിനായി സ്വരൂപിച്ച ഒരു കോടിയും മുഖ്യമന്ത്രിക്ക് കൈമാറും. ഡയാലിസിസ് യൂണിറ്റുകളിലൂടെ എല്ലാ ദിവസവും പത്ത് പേര്ക്ക് സൗജന്യമായി ഡയാലിസിസ് ചെയ്യും. അര്ഹരായവര്ക്ക് സൗജന്യ സേവനവും ഉറപ്പാക്കും. 2016ൽ ദേവസ്വം ബോര്ഡിലെ കമ്പ്യൂട്ടറൈസേഷൻ ആരംഭിച്ചെങ്കിലും പിന്നീട് മുടങ്ങിയെന്നും ഡിജിറ്റൽ വത്കരണം പൂര്ത്തിയാക്കുമെന്നും ദേവസ്വം ബോര്ഡ് പ്രസിഡന്റ് പി.എസ്. പ്രശാന്ത് പറഞ്ഞു. തിരുവനന്തപുരം: ശബരിമലയിൽ ഇടിമിന്നലേറ്റാണ് വൈദ്യുതി ബന്ധം നിലച്ചതെന്നും സംഭവം നടന്ന് 45 മിനുട്ടിനുള്ളിൽ പ്രശ്നം പരിഹരിച്ചെന്നും തിരുവിതാംകൂര് ദേവസ്വം ബോര്ഡ് പ്രസിഡന്റ് പി.എസ്. പ്രശാന്ത്. അതേസമയം, നീലിമലമുതല് അപ്പാച്ചിമേടുവരെയുള്ള പാതയിൽ ശനിയാഴ്ച വൈകുന്നേരം ഏഴുമണി മുതൽ പുലർച്ചെ 12.30 വരെ വൈദ്യുതിയില്ലായിരുന്നു എന്നാണ് ഭക്തന്മാരുടെയുൾപ്പടെ പ്രതികരണം. മൊബൈല് ഫോൺ വെളിച്ചത്തിലാണ് ഭക്തര് മല കയറുകയും ഇറങ്ങുകയും ചെയ്തതെന്നും മഴയും തിരക്കുമെല്ലാം ബുദ്ധിമുട്ട് സൃഷ്ടിച്ചെന്നും ഭക്തന്മാർ പറയുന്നു.
തുലാമാസ പൂജക്കായി ശബരിമല നട തുറന്നപ്പോള് പ്രതീക്ഷിച്ചതിനേക്കാൾ കൂടുതൽ ഭക്തരാണ് ഇത്തവണ എത്തിയതെന്ന് ദേവസ്വം ബോര്ഡ് പ്രസിഡന്റ് പറഞ്ഞു. കാനന ക്ഷേത്രമായതിനാൽ ചെയ്യാൻ കഴിയുന്ന കാര്യങ്ങളില് പരിമിതിയുണ്ടെന്നും ചെറിയ ചെറിയ കാര്യങ്ങളെ പര്വതീകരിച്ച് നൽകുന്നത് മണ്ഡലകാലത്തെ ബാധിക്കുമെന്നും അദ്ദേഹം പറഞ്ഞു. വെള്ളിയാഴ്ചയും ശനിയാഴ്ചയും 55,000 പേര് വെര്ച്വല് ക്യൂ വഴി ബുക്ക് ചെയ്ത് ദര്ശനം നടത്തിയിരുന്നു. പടി പൂജയും ഉദയാസ്തമയ പൂജയും നടന്നതിനാൽ കൂടുതൽ സമയം വേണ്ടിവന്നു. അതിനാൽ കുറച്ചധികം നേരം ഭക്തര്ക്ക് കാത്തുനില്ക്കേണ്ടിവന്നിട്ടുണ്ട്. വനത്താൽ ചുറ്റപ്പെട്ട ക്ഷേത്രത്തിൽ ചെയ്യാൻ കഴിയുന്ന കാര്യങ്ങള്ക്ക് പരിമിതിയുണ്ട്. വെര്ച്വല് ക്യൂ വഴിയും അതില്ലാതെ വരുന്നവര്ക്കും ദര്ശനം ലഭിക്കും. ശബരിമലയിലെത്തുന്ന എല്ലാ വിശ്വാസികള്ക്കും ദര്ശനം ലഭിക്കും. സ്പോട്ട് ബുക്കിങ് ഇല്ലെന്നായിരുന്നു പരാതി.അതും ഇപ്പോൾ പരിഹരിച്ചു. കഴിഞ്ഞ തവണ സന്നിധാനത്ത് ചെന്ന് പ്രശ്നങ്ങള് നോക്കികണ്ടതിനു ശേഷം കുറേ കാര്യങ്ങള് ചെയ്ത് മുന്നോട്ടുപോവുകയാണ്. നവംബര് 10-ഓടെ കൂടി എല്ലാവിധ ക്രമീകരണങ്ങളും പൂര്ത്തീകരിക്കാനാവും. കഴിഞ്ഞ തവണ പമ്പയില് മൂന്ന് നടപന്തലേ ഉണ്ടായിരുന്നുള്ളൂ. 1500 പേര്ക്ക് മാത്രം വരിനില്ക്കാന് പറ്റുന്ന പന്തലില് ആളുകൂടിയപ്പോള് പ്രശ്നമായി. എന്നാല് അതിനു പരിഹാരമായി നാല് നടപ്പന്തലിന്റെ കൂടി നിര്മാണം നടന്നുകൊണ്ടിരിക്കുകയാണ്. അത് കഴിഞ്ഞാല് ഏഴ് നടപ്പന്തലാകും. ഏതാണ്ട് 3500 പേര്ക്ക് വരെ വരിനില്ക്കാന് സാധിക്കും. പ്രളയത്തില് ഒലിച്ചുപോയ രാമമൂര്ത്തി മണ്ഡപത്തിനു പകരം മറ്റൊരു പന്തല് നിര്മിക്കുകയാണെന്നും പ്രസിഡന്റ് ചൂണ്ടിക്കാട്ടി.