തിരുവനന്തപുരം: സംസ്ഥാനത്ത് ചൊവ്വാഴ്ച ഭാഗികമായി വൈദ്യുതി നിയന്ത്രണം ഏർപ്പെടുത്തുമെന്ന് അറിയിച്ച് കെഎസ്ഇബി. പീക്ക് സമയങ്ങളിൽ ആയിരിക്കും നിയന്ത്രണം നടപ്പാക്കുക. വൈദ്യുതി ഉപയോഗം മുൻദിവസങ്ങളേക്കാൾ അധികമാകാൻ സാധ്യതയുള്ള സാഹചര്യത്തിലാണ് നിയന്ത്രണം പ്രഖ്യാപിച്ചിരിക്കുന്നത്.

400 മുതൽ 500 മെഗാവാട്ട് വരെ വൈദ്യുതി ഉപയോഗം വർധിക്കുമെന്ന് കണക്കുകൂട്ടുന്നത്. പവർ എക്സ്ചേഞ്ച് വഴി വേണ്ടത്ര വൈദ്യുതി ലഭിക്കാത്ത സാഹചര്യത്തിലാണ് നിയന്ത്രണം തുടരുന്നത്.