കൽപറ്റ: ഉപതിരഞ്ഞെടുപ്പിൽ വൻ ഭൂരിപക്ഷത്തോടെ വിജയിച്ച് വയനാടിന്‍റെ എംപിയായി സത്യപ്രതിജ്ഞചെയ്ത ശേഷം ആദ്യമായി പ്രിയങ്കാ ഗാന്ധി ഇന്ന് വയനാട് മണ്ഡലത്തിലെത്തും. 2 ദിവസത്തെ സന്ദർശനത്തിനായാണ് പ്രിയങ്ക എത്തുന്നത്. പ്രിയങ്കയ്ക്കൊപ്പം രാഹുൽ ഗാന്ധിയും കേരളത്തിലെത്തും.

ഇന്ന് (30/11/2024) മലപ്പുറം ജില്ലയിലെ സ്വീകരണ പരിപാടികളിലും പൊതുസമ്മേളനത്തിലുമായിരിക്കും പ്രിയങ്ക പങ്കെടുക്കുക. മലപ്പുറം ജില്ലയിൽ കരുളായി, വണ്ടൂർ, എടവണ്ണ എന്നിവിടങ്ങളിലാണ് ഇന്ന് പ്രിയങ്കയുടെ പരിപാടികൾ. തുടർന്ന് നാളെ (01/12/2024) പ്രിയങ്ക വയനാട് ജില്ലയിലും സന്ദർശനം നടത്തും.