സ്പീക്കര് തിരുവഞ്ചൂര് രാധാകൃഷ്ണന്
തിരുവനന്തപുരം: നിയമസഭയിൽ ഇനി ജനങ്ങൾക്കും ചോദ്യങ്ങൾ ഉന്നയിക്കാം. തെരഞ്ഞടുക്കപ്പട്ട പ്രതിനിധികള്ക്ക് മാത്രമല്ല അവരെ തെരഞ്ഞെടുക്കുന്ന ജനങ്ങള്ക്കും നിയമസഭയില് പങ്കാളിത്തം നല്കുന്ന രീതിയില് ചരിത്രപരമായ തീരുമാനങ്ങള് നടപ്പാക്കുമെന്ന് സ്പീക്കര് തിരുവഞ്ചൂര് രാധാകൃഷ്ണന് പറഞ്ഞു.
ചില വിദേശ ജനപ്രതിനിധി സഭകളിലുള്ളതുപോലെ പൊതുജനത്തിനും ചോദ്യം ചോദിക്കാന് അവസരം നല്കണം. ഇതുമായി ബന്ധപ്പെട്ട് വിദഗ്ധരുമായി ആലോചിച്ച് നടപടികള് സ്വീകരിക്കും.
തിരുവനന്തപുരം പ്രസ്ക്ലബ് ഇന്സ്റ്റിറ്റ്യൂട്ട് ഒഫ് ജേണലിസത്തില് സൗണ്ട് പാര്ക്ക് അക്കാഡമിയുടെ സഹകരണത്തോടെ ആരംഭിച്ച വോയ്സ് ആക്റ്റിങ് കോഴ്സിന്റെയും സ്റ്റുഡിയൊ കോംപ്ലക്സിന്റെയും ഉദ്ഘാടനം നിര്വഹിക്കുകയായിരുന്നു സ്പീക്കര്. 138 വര്ഷത്തെ ചരിത്രമുള്ള കേരള നിയമസഭയിലെ പുസ്തകങ്ങള് ഓഡിയൊ ബുക്കുകളാക്കാനുള്ള പരിശ്രമമുണ്ടാകുമെന്നും തിരുവഞ്ചൂര് അറിയിച്ചു.