തൃശൂർ: തൃശൂരിൽ വിദ്യാർത്ഥികളുമായി പോയ സ്കൂൾ ബസിന് നേരേ കല്ലേറ്. ചെറുതുരുത്തി പുതുശ്ശേരി എസ്.എന്‍.ടി.ടി.ഐ സ്കൂളിന്‍റെ ബസിന് നേരെയാണ് കല്ലേറുണ്ടായത്. അക്രമത്തിൽ ബസിന്‍റെ പിന്നിലെ ഗ്ലാസ് തകർന്നു. 

ഇന്ന് വൈകീട്ട് മൂന്നേകാലോടെയാണ് സംഭവം നടന്നത്. സ്കൂൾ വിട്ട് വിദ്യാർഥികളുമായി പോയ ബസിന് നേരെയാണ് കല്ലേറ് ഉണ്ടാവുന്നത്. എന്നാൽ കല്ലെറിഞ്ഞത് ആരാണെന്നോ എന്തിനെന്നോ വ്യക്തമല്ല. കല്ലെറിഞ്ഞയാൾ ഓടിപ്പോകുന്നത് കണ്ടതായും ബസിലെ കുട്ടികൾ പറയുന്നു. ചെറുതുരുത്തി പൊലീസ് അന്വേഷണം ആരംഭിച്ചു.