കണ്ണൂർ: കമ്പിൽ മാപ്പിള ഹയർസെക്കൻഡറി സ്കൂളിലെ വിദ്യാർഥി ജീവനൊടുക്കിയ സംഭവത്തിൽ മൂന്ന് അധ്യാപകർക്ക് സസ്പെഷൻ. അധ്യാപകരുടെ പീഡനത്തെ തുടർന്നാണ് ഭവത് മാനവ് എന്ന വിദ്യാർഥി ആത്മഹത്യ ചെയ്തതെന്ന് അമ്മ കഴിഞ്ഞ ദിവസം ആരോപിച്ചിരുന്നു.
അധ്യാപകരുടെ ക്രൂര പീഡനം കാരണം ജനുവരി 8 നാണ് ഭവതിനെ വീട്ടിൽ തൂങ്ങിമരിച്ച നിലയിൽ കണ്ടെത്തിയത്. ആ ദിവസം സ്കൂളിലേക്ക് ഭവതിന്റെ അമ്മയെ വിളിച്ചിരുന്നു.
അവർ തിരിച്ചെത്തിയപ്പോഴാണ് വീടിന്റെ രണ്ടാം നിലയിലെ കിടപ്പുമുറിയിൽ തൂങ്ങിമരിച്ച നിലയിൽ കുട്ടിയെ കാണുന്നത്.
അധ്യാപകരായ ഗിരീഷ്, ആനന്ദ്, അനീഷ് എന്നിവരെയാണ് 15 ദിവസത്തേക്ക് ഹയർസെക്കൻഡറി മേഖലാ ഉപമേധാവി സസ്പെൻഡ് ചെയ്തിരിക്കുന്നത്.