വി.ഡി. സതീശൻ മന്ത്രിസഭ; 21 അംഗങ്ങളും സത്യപ്രതിജ്ഞ ചെയ്തു
തിരുവനന്തപുരം: വി.ഡി. സതീശൻ മന്ത്രിസഭയിലെ മന്ത്രിമാർ അടക്കമുള്ള 21 അംഗങ്ങൾ സത്യപ്രതിജ്ഞ ചെയ്തു. തിരുവനന്തപുരം സെൻട്രൽ സ്റ്റേഡിയത്തിൽ നടന്ന ചടങ്ങിൽ വൻ ജനക്കൂട്ടത്തെ സാക്ഷിയാക്കിയായിരുന്നു സത്യപ്രതിജ്ഞ.
മുഖ്യമന്ത്രിയും കുഞ്ഞാലിക്കുട്ടി അടക്കമുള്ളവർ ദൈവനാമത്തിൽ സത്യപ്രതിജ്ഞ ചെയ്തപ്പോൾ സി.പി. ജോണും ഷിബു ബേബി ജോണും സഗൗരവമാണ് സത്യപ്രതിജ്ഞ ചെയ്തത്.
ഘടകകക്ഷികൾ അടക്കം യുഡിഎഫിലെ മുഴുവൻ മന്ത്രിമാരും സത്യപ്രതിജ്ഞ ചെയ്തു. മുഖ്യമന്ത്രി ഉൾപ്പെടെ കോൺഗ്രസിന് 12 മന്ത്രിമാരും കേരള കോൺഗ്രസ്, ആർഎസ്പി, സിഎംപി, കേരള കോൺഗ്രസ് ജേക്കബ് എന്നീ കക്ഷികളിലായി ഓരോ മന്ത്രിമാരുമുണ്ട്. രാഹുൽ ഗാന്ധിയും പ്രിയങ്ക ഗാന്ധിയും മല്ലികാർജുൻ ഖാർഗെ തുടങ്ങിയ ദേശീയ നേതാക്കൾ ചടങ്ങിൽ പങ്കെടുത്തു.