തൃശൂർ: കൈക്കൂലി വാങ്ങുന്നതിനിടെ വില്ലേജ് ഫീൽഡ് അസിസ്റ്റന്റ് വിജിലൻസ് പിടിയിൽ. തൃശൂര് വില്വട്ടം വില്ലേജ് ഓഫീസിലെ ഫീല്ഡ് അസിസ്റ്റന്റ് കൃഷ്ണകുമാറാണ് വിജിലന്സിന്റെ പിടിയിലായത്. ആർഒആർ സർട്ടിഫിക്കറ്റ് ശരിയാക്കി നൽകുന്നതിനായി 2000 രൂപയാണ് കൈക്കൂലിയായി കൃഷ്ണകുമാർ ആവശ്യപ്പെട്ടത്. പിന്നാലെ പരാതിക്കാരൻ വിജിലൻസിനെ സമീപിക്കുകയായിരുന്നു.
വില്ലേജ് ഓഫീസറുമായി സംസാരിച്ച് അദ്ദേഹത്തെ സ്വാധീനിച്ച് സര്ട്ടിഫിക്കറ്റ് വാങ്ങിനല്കാം എന്ന് പറഞ്ഞാണ് കൃഷ്ണകുമാര് പരാതിക്കാരനോട് പണം ആവശ്യപ്പെട്ടത്. കൃഷ്ണകുമാര് പണം ആവശ്യപ്പെട്ട സമയത്തുതന്നെ പരാതിക്കാരന് വിജിലന്സുമായി ബന്ധപ്പെട്ടു. പിന്നാലെ വിജിലന്സ് സംഭവസ്ഥലത്തെത്തുകയായിരുന്നു. പണം കൈമാറിയ ഉടൻ തന്നെ വിജിലൻസ് സംഘം സ്ഥലത്തെത്തി പണത്തോടൊപ്പം കൃഷ്ണകുമാറിനേയും കസ്റ്റഡിയിലെടുക്കുകയായിരുന്നു. കൃഷ്ണകുമാറിന്റെ കൈയില്നിന്ന് പിടിച്ചെടുത്ത പണം പരിശോധിച്ച് കൈക്കൂലിയാണെന്ന് ഉറപ്പിലായ ശേഷമാണ് ഇയാളെ കസ്റ്റഡിയില് എടുത്തതെന്ന് വിജിലന്സ് ഉദ്യോഗസ്ഥര് വ്യക്തമാക്കി.