കോട്ടയം: അയ്മനത്തിനു സമീപം ജലഗതാഗത വകുപ്പിന്‍റെ സർവ്വീസ് ബോട്ടിടിച്ച് വള്ളം മറിഞ്ഞു. ഏഴാം ക്ലാസ് വിദ്യാർഥിനിയെ കാണാതായി. വാഴപ്പറമ്പിൽ രതീഷ്-രേഷ്മ ദമ്പതികളുടെ മകളായ അനശ്വരയെയാണ് കാണാതായത്.

ചീപ്പുങ്കൽ പെണ്ണാർ തോട്ടിൽ രാവിലെയാണ് സംഭവം. അമ്മയോടൊപ്പം സ്കൂളിലേക്കു പോകുമ്പോഴാണ് കുട്ടി അപകടത്തിൽപ്പെട്ടത്. ഇളയ കുട്ടിയും മാതാവും രക്ഷപ്പെട്ടു. അഗ്നിരക്ഷാ സേനയുടെയും നാട്ടുകാരുടെയും നേതൃത്വത്തിൽ തിരച്ചിൽ തുടരുകയാണ്.