കാസർഗോഡ്: കാസർഗോഡ് ചെറുവത്തൂർ ഞണങ്കൈയിൽ ദേശീയ പാതയിൽ മണ്ണിടിഞ്ഞു വീണ് ഒരു തൊഴിലാളി മരിച്ചു. കൊൽക്കത്ത സ്വദേശി മുൻതാജ് മിർ (18) ആണ് മരിച്ചത്. മണ്ണിനടിയിൽ കുടുങ്ങിയ 3 തൊഴിലാളികളെ രക്ഷപ്പെടുത്തി. ഇവരെ ചെറുവത്തൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

എല്ലാവരും ഇതര സംസ്ഥാനത്തൊഴിലാളികളാണ്. രാവിലെ പത്തരയോടെയായിരുന്നു അപകടം. ഉടൻ തന്നെ ഫയർഫോഴ്സും നാട്ടുകാരും സ്ഥലത്തെത്തി രക്ഷാ പ്രവർത്തനം നടത്തി. 4 പേരായിരുന്നു മണ്ണിനടിയിൽ കുടുങ്ങിയിരുന്നത്. ഇതിൽ അവസാനം രക്ഷപെടുത്തിയ ആളാണ് മരിച്ചത്. പ്രദേശത്ത് അശാസ്ത്രീയമായ രീതിയിൽ മണ്ണെടുപ്പ് നടക്കുന്നുവെന്ന് ആക്ഷേപമുയർന്നിരുന്നു.