ഒറ്റപ്പാലം: റെയിൽവേ ട്രാക്കിനു സമീപം 2 അജ്ഞാത മൃതദേഹങ്ങൾ കണ്ടെത്തി. ഒറ്റപ്പാലം ചോറോട്ടൂരിൽ‌ റെയിൽവേ ട്രാക്കിന് സമീപമാണ് പുരുക്ഷന്മാരുടെ മൃതദേഹം കണ്ടെത്തിയത്. അതിഥി തൊഴിലാളികളാണിവരെന്നാണ് നിഗമനം.

ഇരുവരും ട്രെയിനിൽ നിന്നു വീണതാണെന്നാണ് വിവരം. ഉച്ചയ്ക്ക് രണ്ടോടെയാണ് റെയിൽവേ പാളത്തിൽ മൃതദേഹങ്ങൾ കണ്ടെത്തിയത്.കംപാർട്ട്‌മെന്റിന്റെ വാതിലിനു സമീപം ഇരുന്ന് യാത്ര ചെയ്തപ്പോൾ വീണതാകാമെന്നാണ് പൊലീസ് സംശയിക്കുന്നത്.മൃതദേഹങ്ങൾ താലൂക്ക് ആശുപത്രി മോർച്ചറിയിലേക്കു മാറ്റി.