ആലുവ: ആലുവയിൽ ഒറ്റയ്ക്ക് താമസിച്ചിരുന്ന വയോധികയുടെ മൃതദേഹം വീടിനുള്ളിൽ കണ്ടെത്തി. താക്കാട്ടുകര സ്വദേശി ഓമനയുടെ മൃതദേഹമാണ് വീടിനുള്ളിൽ കണ്ടെത്തിയത്. 2 ദിവസം പഴക്കമുള്ള മൃതദേഹം എലികടിച്ച നിലയിലായിരുന്നു.

കുറച്ചു നാളുകളായി വീട്ടിൽ ഒറ്റയ്ക്കായിരുന്നു ഓമന താമസിച്ചിരുന്നത്. 2 ദിവസമായി ഓമനയെ പുറത്തേക്ക് കാണാതായതോടെ ബന്ധുക്കൾ വീട്ടിലെത്തി അന്വേഷിച്ചപ്പോഴാണ് മൃതദേഹം കാണുന്നത്. മൃതദേഹത്തിൽ നിന്നു ദുർഗന്ധം വന്നു തുടങ്ങിയിരുന്നു.

മൃതദേഹം കണ്ടതിനു പിന്നാലെ ബന്ധുക്കൾ പൊലീസിൽ വിവരമറിയിക്കുകയാിരുന്നു. പ്രാഥമിക പരിശോധനയ്ക്കു ശേഷം പോസ്റ്റുമോർട്ടത്തിനായി ആശുപത്രിയിലേക്ക് മാറ്റി. പോസ്റ്റുമോർട്ടത്തിനു ശേഷം മൃതദേഹം ബന്ധുക്കൾ സംസ്കരിച്ചു. മരണത്തിൽ ദുരൂഹതയുണ്ടോ എന്ന് പരിശോധിക്കുകയാണ് പൊലീസ്.