ആലുവ: യുവാവിന്‍റെ ക്രൂരമർദനത്തിൽ വീട്ടമ്മയ്ക്ക് ഗുരുതര പരുക്ക്. ഉളിയന്നൂർ ചേരിപ്പറമ്പിൽ ഹൈറുന്നിസ ഹമീദിനെയാണ് ഇടുക്കി സ്വദേശിയായ യുവാവ് മർദിച്ച് അവശനിലയിലാക്കിയത്. തുടർന്ന് ഹൈറിനിസയെ ആലുവ നജാത്ത് ആശുപത്രിയിൽ പ്രവേശിപ്പിച്ചു.

വീട്ടമ്മയെ മർദിച്ച ശേഷം ഓടിരക്ഷപ്പെടാൻ നോക്കിയ പ്രതിയെ നാട്ടുകാർ തടഞ്ഞുനിർത്തി പൊലീസിൽ ഏൽപ്പിച്ചു. കടുങ്ങല്ലൂർ പഞ്ചായത്തിൽ ഉളിയന്നൂർ എട്ടാം വാർഡിൽ 2024ൽ വാഹനങ്ങളുടെ പെയിന്‍റിങ് പാച്ച് വർക്ക് തുടങ്ങിയ ആവശ്യങ്ങൾക്കായി ഇടുക്കി സ്വദേശിക്ക് ഹൈറുന്നിസയുടെ ഉടമസ്ഥയിലുള്ള 16 സെന്‍റ് സ്ഥലംവാടകയ്ക്ക് കൊടുത്തിരുന്നു.

എന്നാൽ യുവാവ് വാടക കൊടുക്കാതിരിക്കുകയും വീട്ടമ്മയെ കള്ളക്കേസിൽ കുടുക്കുകയും ചെയ്തു. കേസ് നിലനിൽക്കെ വാടകയ്ക്ക് കൊടുത്തിരുന്ന വർഷോപ്പിൽ നിന്നും

സാധനങ്ങൾ എടുക്കാൻ വന്നപ്പോൾ ഇവിടെ നിന്ന് ഒന്നും എടുക്കാൻ പറ്റില്ല എന്ന് ഉടമ ഹൈറുന്നിസ പറഞ്ഞു. അതിനെ തുടർന്ന് പ്രകോപിതനായ യുവാവ് ഹൈറുസയെ ക്രൂരമായി മർദിക്കുകയായിരുന്നു നാട്ടുകാർ വിവരമറിച്ചതിനെത്തുടർന്ന് പൊലീസ് എത്തി യുവാവിനെ കസ്റ്റഡിയിലെടുത്തു.