മുംബൈയില് മഴയെത്തി
മുംബൈ: പൊള്ളുന്ന ചൂടിന് വിട നല്കി നഗരത്തില് മഴയെത്തി. ഇന്നോ നാളെയോ മുതല് മണ്സൂണ് എത്തുമെന്നും കാലാവസ്ഥ വിദഗ്ധര് പറഞ്ഞു. ഇടിമിന്നലിനും ശക്തമായ കാറ്റിനും സാധ്യതയുണ്ടെന്ന് ഇന്ത്യന് കാലാവസ്ഥാ വകുപ്പ് (ഐഎംഡി) മുന്നറിയിപ്പ് നല്കി. ഇന്നും നാളെയും യെല്ലോ അലര്ട്ട് പ്രഖ്യാപിച്ചിട്ടുണ്ട്.
ഒറ്റപ്പെട്ട സ്ഥലങ്ങളില് ഇടിമിന്നലും മിന്നലും മിതമായതോ കനത്തതോ ആയ മഴയും ലഭിക്കുമെന്നാണ് പ്രവചനം. മണിക്കൂറില് 30 മുതല് 40 കിലോമീറ്റര് വരെ വേഗതയില് കാറ്റ് വീശാനും സാധ്യതയുണ്ട്.
ആഴ്ചകളായി തുടരുന്ന വരണ്ട കാലാവസ്ഥയ്ക്ക് ശേഷം ജൂണ് 21-ന് നഗരത്തിന്റെ വിവിധ ഭാഗങ്ങളില് ലഭിച്ച മഴ പെയ്തിരുന്നു. ഇന്ന് മുതല് സംസ്ഥാനത്തിന്റെ കൂടുതല് ഭാഗങ്ങളിലേക്ക് കാലവര്ഷം വ്യാപിക്കുമെന്നും തുടര്ച്ചയായ മഴയ്ക്ക് അനുകൂല സാഹചര്യം രൂപപ്പെടുമെന്നും ഐഎംഡി അറിയിച്ചു. ഇടിമിന്നലുള്ള സമയങ്ങളില് ജാഗ്രത പാലിക്കണമെന്നും കനത്ത മഴയ്ക്കിടെ അനാവശ്യ യാത്രകള് ഒഴിവാക്കണമെന്നും അധികൃതര് നിര്ദേശിച്ചു