മുംബൈ: മലയാളികളോടൊപ്പം മറുഭാഷക്കാരായ ഉപഭോക്താക്കളുടേയും സ്വീകാര്യത തിരിച്ചറിഞ്ഞ് രണ്ടാംവര്‍ഷവും മേളത്തനിമയോടെ ഓണച്ചന്ത തയ്യാറാക്കാനായി ബോറിവ്ലി മലയാളി സമാജം ഒരുങ്ങുന്നു. 26 മുതല്‍ സെപ്റ്റംബര്‍ 4വരെ പത്തുദിവസം നീണ്ടുനില്‍ക്കുന്ന മേളയാണ് ഇത്തവണയും സമാജം ഒരുക്കുന്നത്.

ഓഗസ്റ്റ് 26 ന് വൈകുന്നേരം 3 മണിക്ക് 'ഓണച്ചന്ത'യുടെ ഉദ്ഘാടനം നടക്കും. പച്ചക്കറികള്‍ മധുരപലഹാരങ്ങള്‍ ഓണവിഭവങ്ങള്‍, ആഭരണങ്ങള്‍, ഓണാക്കോടികള്‍ ഓണപ്പുടവ എന്നിവ ഉള്‍പ്പെടുന്ന വിവിധ സ്റ്റാളുകള്‍ ഒരു കുടക്കീഴില്‍ ലഭ്യമാകും.

ഓണചന്തയോടൊപ്പം തൃക്കാക്കരയപ്പന്‍ വരവേല്‍പ്പ് , സമാജം അംഗങ്ങളുടെ കൈകൊട്ടിക്കളി, റീല്‍സ് മത്സരം, സോളോ/ഗ്രൂപ്പ് ഡാന്‍സ്, കേരളത്തിന്‍റെ വിശേഷങ്ങള്‍ വിവരിക്കുന്ന ഫാഷന്‍ ഷോ, പൂക്കളമത്സരം, ചിത്രരചനാ മത്സരം, ഉത്രാടദിന ആചാരങ്ങള്‍, ഓണക്കളി തുടങ്ങി വൈവിധ്യമാര്‍ന്ന മത്സരങ്ങളും കലാപരിപാടികളും കോര്‍ത്തിണക്കികൊണ്ടുള്ള ഒരു ആഘോഷമായിരിക്കും പത്തുദിവസങ്ങളിലായി നടക്കുക എന്ന് സമാജം സെക്രട്ടറി ബാബുരാജ് ജോസഫ് അറിയിച്ചു.