മുംബൈ: 2009-ല് ശിവസേന നേതാവ് അജയ് ഭേസ്ലയെ വെടിവച്ച കേസില് ജയിലില് കഴിയുന്ന ഛോട്ടാ രാജന് പ്രത്യേക കോടതി ജാമ്യം അനുവദിച്ചു. 2009 ഒക്ടോബര് 11-ന് പൂനെയിലെ ബണ്ട് ഗാര്ഡന് പൊലീസ് സ്റ്റേഷനില് രജിസ്റ്റര് ചെയ്ത കേസാണിത്.
തെരഞ്ഞെടുപ്പ് പ്രചാരണത്തിനായി പുറത്തുപോയ ഭോസ്ലെയുടെ സ്കോര്പ്പിയോയ്ക്ക് നേരെ മോട്ടോര് സൈക്കിളിലെത്തിയ രണ്ട് പേര് വെടിയുതിര്ത്തു. എന്നാല് ഭോസലെ പരുക്കേല്ക്കാതെ രക്ഷപ്പെട്ടു. പക്ഷേ ഒരു വെടിയുണ്ട അദ്ദേഹത്തിന്റെ ഡ്രൈവര് ഷക്കീല് സയ്യിദിന്റെ ഇടത് കയ്യില് കയറിയിരുന്നു.
അക്രമികളെ പിന്നീട് തിരിച്ചറിയുകയും രാജന്റെ അടുത്ത സഹായിയായ ഫരീദ് തനാഷയുമായി ബന്ധമുണ്ടെന്ന് പൊലീസ് കണ്ടെത്തുകയും ചെയ്തു. എന്നാല് ഈ കേസില് രാജന് നേരിട്ട് ബന്ധമുള്ളതായി കണ്ടെത്താന് കഴിയാതെ വരുകയായിരുന്നു. മറ്റു കേസുകളുള്ളതിനാല് ജയില് മോചനം സാധിക്കില്ല.