നവിമുംബൈ : ന്യൂ ബോംബെ കേരളീയ സമാജം അംഗവും ബിഎആർസിയിൽ നിന്നും വിരമിച്ച മുതിർന്ന ശാസ്ത്രജ്ഞനും കവിയും നാടക പ്രവർത്തകനും ചിത്രകാരനും മേക്കപ്പ് ആർട്ടിസ്റ്റും കലാ സാംസ്‌കാരിക രംഗത്തെ നിറ സാന്നിധ്യവുമായിരുന്ന ഡോ. കെ എൻ സുശീലൻ, മുതിർന്ന നാടക പ്രവർത്തകൻ എ സതീശൻ, മലയാളം മിഷൻ അധ്യാപകനും ഭാഷാ വിമർശകനുമായ എം സി വേലായുധൻ എന്നിവരുടെ നിര്യാണത്തിൽ അനുശോചനം രേഖപ്പെടുവാൻ ജനുവരി 12 ന് വെള്ളിയാഴ്ച വൈകിട്ട് 7 മണിക്ക് സമാജം ഹാളിൽ വച്ച് അനുശോചന യോഗം കൂടുന്നു.
അനുശോചന യോഗത്തിൽ മുംബൈ കലാ സാംസ്‌കാരിക രംഗത്തെ സഹൃദയർ പങ്കെടുക്കുമെന്ന് ജനറൽ സെക്രട്ടറി പ്രകാശ് കാട്ടാക്കട അറിയിച്ചു.