മുംബൈ:മുംബൈ സാഹിത്യവേദിയുടെ ഇരുപത്തിയഞ്ചാമത് വി.ടി ഗോപാലകൃഷ്ണൻ സ്മാരക പുരസ്‌കാര സമർപ്പണ ചടങ്ങാണ് മാർച്ച് 5 ന് നടത്തപ്പെടുന്നത്. മാർച്ച് അഞ്ചാം തീയതി ഞായറാഴ്ച വൈകുന്നേരം ആറുമണിക്ക് മാട്ടുംഗയിലെ കേരളഭവനത്തിലാണ് പുരസ്കാരസമർപ്പണം.
കവിയും, പ്രശസ്ത ചലച്ചിത്രഗാന രചയിതാവുമായ വയലാർ ശരത്ചന്ദ്ര വർമ്മയാണ് പുരസ്കാരസമർപ്പണം നിർവ്വഹിക്കുന്നത്. 'കവിതയും സിനിമാഗാനവും' എന്നവിഷയത്തെ അധികരിച്ച് അദ്ദേഹത്തിന്‍റെ പ്രഭാഷണവും ഉണ്ടായിരിക്കും.
ഈ വർഷത്തെ അവാർഡ് ജേതാവ്. പ്രസാദ്‌ വടക്കേപ്പാട്ട് ആണ്. സാഹിത്യവേദി ക്കു വേണ്ടി കൺവീനർ. പി വിശ്വനാഥൻ പത്ര കുറിപ്പിലൂടെ അറിയിച്ചതാണ് ഇക്കാര്യം