താനെ: ഹിൽ ഗാർഡൻ അയ്യപ്പ ഭക്ത സംഘത്തിൻ്റെ നേതൃത്വത്തിൽ സാമ്പത്തികമായി പിന്നോക്കം നിൽക്കുന്ന വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. താനയിലെ കൊങ്കിണിപാടയിലുള്ള മുനിസിപ്പാലിറ്റി സ്കൂൾ വിദ്യാർഥികൾക്ക് ആവശ്യമായ പഠനസാമഗ്രികൾ, നോട്ട്ബുക്ക് എന്നിവ ഹിൽ ഗാർഡൻ ഭക്ത സംഘം 13 വർഷങ്ങളായി വിതരണം ചെയ്തു വരുകയാണ്.
ഭക്ത സംഘത്തിന്റെ ഭാരാവാഹികൾക്ക് ഒപ്പം മാക്സ് ഫൗണ്ടേഷൻ റീജിയണൽ ഹെഡും (സൗത്ത് ഏഷ്യാ) മലയാളം അഭിനേത്രിയുമായ(പാച്ചുവും അത്ഭുത വിളക്കും ഫെയിം) വിജി വെങ്കടേഷ് എന്നിവർ മുഖ്യാതിഥികളായിരുന്നു.
സാമ്പത്തികമായി പിന്നോക്കം നിൽക്കുന്ന പ്രദേശങ്ങളിൽ നിന്നും വരുന്ന ഈ സ്കൂളിൽ 185 വിദ്യാർത്ഥികളാണ് പഠിക്കുന്നത്. ഈ മുഴുവൻ വിദ്യാർത്ഥികൾക്കും ഈ വർഷത്തെ പഠനോപകരണങ്ങളുടെയും, ബുക്കുകളുടെയും വിതരണം ഇന്ന് രാവിലെ 9 മണിക്കാണ് സ്കൂളിൽ വെച്ച് നടന്നത്. ചടങ്ങിൽ വിജി വെങ്കടേഷ് വിദ്യാർഥികൾക്കായി മോട്ടിവേഷൻ ക്ലാസും നടത്തി.