മുംബൈ: കാണാതായ മലയാളി വയോധികനെ മരിച്ച നിലയിൽ കണ്ടെത്തി. നിരവധി വർഷങ്ങളായി കല്യാണിൽ താമസിച്ചുവരികയായിരുന്ന മലയാളി വയോധികനായ എ ഒ ഡാനിയലിനെ(82) ചൊവ്വാഴ്ച്ച രാവിലെ മുതലാണ് കാണാതായത്. പൊലീസും കുടുംബ അംഗങ്ങളും തിരച്ചിൽ നടത്തിയെങ്കിലും കണ്ടെത്താൻ കഴിഞ്ഞിരുന്നില്ല. തിരച്ചിലിനൊടുവിൽ ഇന്ന് രാവിലെ ശിർഡിയിൽവച്ച് മരിച്ച നിലയിൽ കണ്ടെത്തുകയായിരുന്നു.
പൊലീസാണ് ഈ വിവരം കുടുംബത്തെ അറിയിച്ചത്. കുടുംബാംഗങ്ങൾ ശിർഡിയിലേക്ക് തിരിച്ചതായി അടുത്ത വൃത്തങ്ങൾ അറിയിച്ചു. കൂടുതൽ വിവരങ്ങൾ അറിവായിട്ടില്ല. കല്യാണിൽ താമസിച്ചുവരികയായിരുന്ന എ. ഒ.ഡാനിയൽ കല്യാണിൽ നിന്നും മുംബൈ മസ്ജിദ് ബന്ദറിലേക്കാണ് അന്നേ ദിവസം പോയിരുന്നത്. അൽപ്പം ഓർമ്മ കുറവുള്ള ഡാനിയൽ പന്തളം സ്വദേശിയാണ്.