കെട്ടിടത്തില് കുടുങ്ങിയ പെണ്കുട്ടിയെ രക്ഷിച്ച ബബിത് വൈജുവിനെ ബിജെപി വസായി ഘടകം ആദരിക്കുന്നു
മുംബൈ: കെട്ടിടത്തിന്റെ മൂന്നാം നിലയില് നിന്ന് വീഴാന് പോയ നാലുവയസുകാരിയെ രക്ഷപ്പെടുത്തിയ മലയാളി വിദ്യാര്ഥി ബബിത് വൈജുവിനെ ബിജെപി വസായി ഘടകം ആദരിച്ചു. ചടങ്ങില് ബിജെപി നേതാവ് കെ.ബി. ഉത്തംകുമാര് ഉള്പ്പെടെയുള്ള പ്രമുഖ നേതാക്കള് പങ്കെടുത്തു. ബബിതിന്റെ സമയോചിതമായ ഇടപെടലിനെ നേതാക്കള് അഭിനന്ദിച്ചു. ബിജെപി വസായി ഘടകത്തിലെ മറ്റു ഭാരവാഹികളും ചടങ്ങില് പങ്കെടുത്തു.
വസായില് കെട്ടിടത്തിന്റെ മൂന്നാം നിലയില് കുടുങ്ങിയ പെണ്കുട്ടിയെയാണ് 19കാരനായ ബബിത് രക്ഷിച്ചത്. പെണ്കുട്ടി അപകടകരമായ നിലയിലാണെന്ന് തിരിച്ചറിഞ്ഞ ബബിത് ഉടന് ഇടപെട്ട് സുരക്ഷിതമായി പിടിച്ചുമാറ്റുകയായിരുന്നു. യുവാവിന്റെ ഈ സമയോചിതമായ പ്രവൃത്തിയെ മാനിച്ചാണ് ബിജെപി വസായി ഘടകം നേരിട്ടെത്തി ആദരിച്ചത്.