മുംബൈ: ജനപ്രിയ പ്രഭാത ഭക്ഷണത്തിനൊപ്പം ഇടം പിടിച്ച് മഹാരാഷ്ട്രയുടെ സ്വന്തം മിസല്‍ പാവ്. ലോകത്തെ 50 മികച്ച പ്രഭാത ഭക്ഷണങ്ങളുടെ പട്ടികയിലാണ് മിസല്‍ പാവ് ഇടം പിടിച്ചത്.

മഹാരാഷ്ട്രയില്‍ നിന്നുള്ള മിസല്‍ പാവ് 18-ാം സ്ഥാനവും, പറാത്ത 23-ാം സ്ഥാനവും, ഡല്‍ഹിയുടെ പ്രിയപ്പെട്ട ചോലെ ബട്ടൂരെ 32-ാം സ്ഥാനവും സ്വന്തമാക്കി. ഇവ മൂന്നും പൊതുവെ വടക്കേ ഇന്ത്യക്കാരുടെ പ്രിയപ്പെട്ട ഭക്ഷണങ്ങളാണ്. എന്നിരുന്നാലും രാജ്യത്തിന്‍റെ മറ്റ് ഭാഗങ്ങളിലും ഇവ ജനപ്രിയമാണ്.

മഹാരാഷ്ട്രയിലെ ഏറ്റവും പ്രശസ്തമായ വിഭവങ്ങളില്‍ ഒന്നാണ് മിസല്‍ പാവ്. ക്രിസ്പിയും എരിവുള്ളതും വര്‍ണാഭവുമായ വിഭവമെന്നാണ് ടേസ്റ്റ് അറ്റ്‌ലസ് അവരുടെ സൈറ്റില്‍ ഈ രുചികരമായ വിഭവത്തെക്കുറിച്ച് വിവരിക്കുന്നത്. വടാപാവ് പോലെ തന്നെ ജനപ്രിയ വിഭവമാണ് മിസല്‍ പാവും.