ന്യൂഡൽഹി: രാജ്യത്തെ നടുക്കിയ ഗുജറാത്ത് വിമാന ദുരന്തത്തിനു ശേഷം ഇതു വരെ റദ്ദാക്കിയത് 66 ബോയിങ് 787 ഡ്രീംലൈനർ ഫ്ലൈറ്റുകൾ. ഡയറക്റ്ററേറ്റ് ജനറൽ ഓഫ് സിവിൽ ഏവിയഷൻ ആണ് ഇക്കാര്യം പുറത്തു വിട്ടിരിക്കുന്നത്. അപകടമുണ്ടായ അഹമ്മദാബാദ് - ലണ്ടൻ സർവീസ് പുനരാരംഭിക്കാൻ ശ്രമിച്ചതുൾപ്പെടെ 13 എയർ ഇന്ത്യൻ ഡ്രീംലൈനർ ഫ്ലൈറ്റുകൾ ഇതിലുൾപ്പെടുന്നുണ്ട്.

ൺ 12ന് ബോയിങ് 787 ഡ്രീം ലൈനർ ഫ്ലൈറ്റാണ് അപകടത്തിൽ പെട്ടത്. പക്ഷേ ഇത്തരത്തിൽ ഫ്ലൈറ്റുകൾ റദ്ദാക്കുന്നത് പുതിയ കാര്യമല്ലെന്നാണ് എയർ ഇന്ത്യ പറയുന്നത്. സാങ്കതിക പ്രശ്നങ്ങളും മറ്റു കാരണങ്ങളും മൂലം ഒരു ദിവസം കുറഞ്ഞത് 4 വിമാന സർവീസുകളെങ്കിലും എയർ ഇന്ത്യ റദ്ദാക്കാറുണ്ട്.

നിലവിൽ ഡൊമെസ്റ്റിക്, ഇന്‍റർ നാഷണൽ സെക്റ്ററുകളിലായി ദിവസേന 1000 ഫ്ലൈറ്റുകളാണ് എയർ ഇന്ത്യക്കുള്ളത്.