ന്യൂഡൽഹി: ഡൽഹി മദ്യനയ അഴിമതി കേസിൽ ജയിലിൽ കഴിയുന്ന ഡൽഹി മുഖ്യമന്ത്രി അരവിന്ദ് കെജ്‌രിവാളിന്‍റേയും ബിആർഎസ് നേതാവ് കെ. കവിതയുടേയും കസ്റ്റഡി കാലാവധി നീട്ടി. ഇരുവരും 14 ദിവസം കൂടി ജയിലിൽ തുടരണം. റൗസ് അവന്യൂ കോടതിയിലെ വാദത്തിനിടെ പ്രതികളെ വിഡിയോ കോൺഫറൻസിങ് വഴി ഹാജരാക്കുകയായിരുന്നു.

ഇഡിയുടെ അറസ്റ്റ് ചോദ്യം ചെയ്ത് കെജ്‌രിവാൾ സമർപ്പിച്ച ഹർജി രൂക്ഷ വിമർശനത്തോടെ ഹൈക്കോടതി തള്ളിയിരുന്നു. മാർച്ച് 21 നാണ് കെജ്‌രിവാളിനെ ഇഡി അറസ്റ്റു ചെയ്യുന്നത്. കവിതയും കെജ്‌രിവാളും നിലവിൽ തിഹാർ ജയിലിലാണ് കഴിയുൂന്നത്.