തിരുവനന്തപുരം: ചന്ദ്രയാൻ 3 വിക്ഷേപണം ജൂലൈ 14 ലേക്ക് മാറ്റിയേക്കും. ചന്ദ്രനിൽ ലാൻഡർ ഇറങ്ങുന്നതിന് അനുയോജ്യമായ ദിവസം ഓഗസ്റ്റ് 24 ആണ് എന്ന കണ്ടെത്തലിന്‍റെ പശ്ചാത്തലത്തിലാണ് വിക്ഷേപണ തീയതി ഒരു ദിവസത്തേക്കു കൂടി വൈകിച്ചത്. ഇസ്റോ ഇത് ഔദ്യോഗികമായി സ്ഥിരീകരിച്ചിട്ടില്ല.

സാഹചര്യം അനുകൂലമാണെങ്കിൽ ഈ മാസം 13 ന് ചന്ദ്രയാൻ 3 വിക്ഷേപിക്കുമെന്നാണ് നേരത്തെ അറിയിച്ചിരുന്നത്. അതനുസരിച്ച് ചന്ദ്രനിൽ ലാൻഡർ ഇറങ്ങേണ്ടത് ഓഗസ്റ്റ് 23ന് ആയിരുന്നു.

ചന്ദ്രയാൻ 3 പേടകത്തിന്‍റെ വിക്ഷേപ വാഹനമായ എൽവിഎം 3 ൽ സംയോജിപ്പിക്കുന്ന ജോലികൾ പൂർത്തിയായി. വ്യാഴാഴ്ച്ച രാവിലെ വിക്ഷേപ വാഹനം ശ്രീഹരിക്കോട്ടയിലെ വിക്ഷേപണത്തറയിലേക്ക് മാറ്റി.