India

തിരക്കായതിനാൽ മറുപടി പിന്നീട്; രാഹുലിന്‍റെ മൊഴിയെടുക്കാനാവാതെ പൊലീസ് സംഘം മടങ്ങി

ഇതിനിടെ രാഹുൽ ഗാന്ധിയുടെ വസതിയിലെത്തിയ കോൺഗ്രസ് നേതാവ് പവൻ ഖേരയെ പൊലീസ് തടഞ്ഞു.

ന്യൂഡൽഹി: ഭാരത് ജോഡോ യാത്രക്കിടെ കോൺഗ്രസ് നേതാവ് രാഹുൽ ഗാന്ധി ഉന്നയിച്ച പരാമർശത്തിൽ മൊഴിയെടുക്കാനെത്തിയ പൊലീസ് രണ്ടര മണിക്കൂറോളം കാത്തുനിന്നതിനു ശേഷം മടങ്ങി. തിരക്കായതിനാൽ പീന്നീട് മറുപടി നൽകാമെന്ന് രാഹുൽ ഗാന്ധി അറിയിച്ചതിനു ശേഷമാണ് വസതിയിൽ നിന്ന് പൊലീസ് സംഘം മടങ്ങിയത്.

സംഭവത്തിന്‍റെ വിശദീകരണം തേടി ഡൽഹി പൊലീസ് രാഹുലിന്‍റെ വസിതിയിലെത്തിയിരുന്നു . ഇന്ത്യയിൽ സ്ത്രീകൾ ലൈംഗിക ചൂഷണം നേരിടുന്നുവെന്ന് ശ്രീനഗറിൽ നടന്ന സമാപന സമ്മേളനത്തിൽ അദ്ദേഹം പറഞ്ഞിരുന്നു. പ്രസംഗിക്കുന്നതിനിടെ സൂചിപ്പിച്ച ഇരകളുടെ വിവരങ്ങൾ കൈമാറണമെന്ന് ആവശ്യപ്പെട്ടാണ് കമ്മിഷണർ സാഗർ പ്രീത് ഹൂഡയുടെ നേതൃത്വത്തിലുള്ള അന്വേഷണ സംഘം രാഹുൽ ഗാന്ധിടെ വസതിയിലെത്തിയത്.

ഇതിന് മുമ്പും ലൈംഗിക ചൂഷണത്തിനിരയായ സ്ത്രീകളുടെ വിവരങ്ങൾ കൈമാറണമെന്ന് ആവശ്യപ്പെട്ട് ഡൽഹി പൊലീസ് രാഹുൽ ഗാന്ധിക്ക് കത്തയച്ചിരുന്നു. തുടർന്നാണ് വിവരങ്ങൾ ആവശ്യപ്പെട്ട് നേരിട്ടെത്തിയത്. ഇതിനിടെ രാഹുൽ ഗാന്ധിയുടെ വസതിയിലെത്തിയ കോൺഗ്രസ് നേതാവ് പവൻ ഖേരയെ പൊലീസ് തടഞ്ഞു. കേന്ദ്ര സർക്കാർ ഭയപ്പെടുത്താൻ നോക്കുകയാണെന്ന് അദ്ദേഹം ആരോപിച്ചു. പൊലീസ് അയച്ച നോട്ടീസിന് നിയമസാധുതയില്ലെന്ന് കോൺഗ്രസ് നേരത്തെ പ്രതികരിച്ചിരുന്നു.

"വേടന്‍റെയും ഗൗരിലക്ഷ്മിയുടെയും പാട്ടുകൾ പഠിക്കേണ്ടതില്ല"; കാലിക്കറ്റ് സർവകലാശാലയ്ക്ക് ശുപാർശ

എഴുത്തുകാരി വിനീത കുട്ടഞ്ചേരിയെ മരിച്ച നിലയിൽ കണ്ടെത്തി

പരക്കെ മഴ; അഞ്ച് ജില്ലകളിൽ ഓറഞ്ച് അലർട്ട്

വിപഞ്ചികയുടെയും മകളുടെയും മരണം: കോൺസുലേറ്റിന്‍റെ അടിയന്തിര ഇടപെടലിൽ കുഞ്ഞിന്‍റെ സംസ്കാരം മാറ്റിവച്ചു

പാലക്കാട് - കോഴിക്കോട് ദേശീയ പാതയിൽ കെഎസ്ആർടിസി ബസും ഓട്ടോയും കൂട്ടിയിടിച്ച് അപകടം; 2 പേർ മരിച്ചു