ന്യൂഡൽഹി: ഇന്ത്യയുമായുള്ള വെടിനിർത്തൽ കരാർ ലംഘിച്ച് പാക്കിസ്ഥാന്‍. ജമ്മു കശ്മീരിലെ പൂഞ്ചിൽ കെജി സെക്റ്ററിൽ വെടിവയ്പ്പുണ്ടായി. ചൊവ്വാഴ്ച രാത്രി 7 മണിയോടെയാണ് യാതൊരു പ്രകോപനമില്ലാതെ പാക് വെടിവയ്പ്പുണ്ടായതെന്ന് ഔദ്യോഗിക വൃത്തങ്ങൾ.

മാൻകോട്ട് സെക്റ്ററിൽ ഇന്ത്യയും പാക്കിസ്ഥാനും തമ്മിൽ 15 മിനിറ്റോളം തുടർച്ചയായി വെടിയുതിർത്തതായും സൈന്യം ശക്തമായി തിരിച്ചടിച്ചതായി കരസേനാ വൃത്തങ്ങൾ അറിയിച്ചു. മേയ് മാസത്തിലെ ഓപ്പറേഷൻ സിന്ദൂറിനു ശേഷം പാക്കിസ്ഥാന്‍റെ ഭാഗത്തുനിന്നുള്ള ആദ്യത്തെ വെടിനിർത്തൽ ലംഘനമാണിത്.