ന്യൂഡൽഹി: മുതിർന്ന ബിജെപി നേതാവും മുൻ ഉപപ്രധാനമന്ത്രിയുമായ എൽ.കെ. അഡ്വാനിയെ ആശുപത്രിയിൽ പ്രവേശിപ്പിച്ചു. ശാരീരിക ബുദ്ധിമുട്ടുകളെ തുടർന്നാണ് ശനിയാഴ്ച രാവിലെ ഡൽഹി അപ്പോളോ ആശുപത്രിയിൽ അഡ്വാനിയെ പ്രവേശിപ്പിച്ചത്.
ആരോഗ്യ നില തൃപ്തികരമാണെന്നും നിരീക്ഷിച്ചുവരികയാണെന്നും ആശുപത്രി അധികൃതർ അറിയിച്ചു. ന്യൂറോളജി വിഭാഗത്തിലെ സീനിയർ കൺസൾട്ടന്റ് ഡോ. വിനീത് സൂരിയുടെ മേൽനോട്ടത്തിലാണ് 96 കാരനായ അഡ്വാനി ചികിത്സയിൽ കഴിയുന്നത്.