പ്രായം കുറയ്ക്കാന്‍ ചികിത്സ; 35 കോടി തട്ടിയ ദമ്പതികൾ ഒളിവിൽ 
India

പ്രായം കുറയ്ക്കാന്‍ ചികിത്സ; 35 കോടി തട്ടിയ ദമ്പതികൾ ഒളിവിൽ

പത്തു സെഷനുകൾക്ക് 6000 രൂപ മുതൽ 90000 രൂപയ്ക്കു മൂന്നു വർഷ പാക്കെജും ഇവർ വാഗ്ദാനം ചെയ്തു.

കാൺപുർ: അറുപത്തഞ്ചുകാരനെ ഇരുപത്തഞ്ചുകാരനാക്കുന്ന ടൈം മെഷീൻ നൽകാമെന്നു മോഹിപ്പിച്ച് പലരിൽ നിന്നായി 35 കോടി രൂപ തട്ടിയ ദമ്പതിമാർക്കെതിരേ കേസ്. കാൺപുർ സ്വദേശികളായ രാജീവ് കുമാർ ദുബെയും ഭാര്യ രശ്മി ദുബെയുമാണ് പൊലീസ് കേസെടുത്തതോടെ ഒളിവിൽപ്പോയി.

കാൺപുരിലെ സാകേത് നഗറിൽ റിവൈവൽ വേൾഡ് എന്ന പേരിൽ ഹൈപ്പർബേരിക് ഓക്സിജൻ തെറാപ്പി സെന്‍റർ നടത്തുകയായിരുന്നു ഇരുവരും.

കാൺപുരിലെ അന്തരീക്ഷ മലിനീകരണം മൂലം ആളുകൾക്ക് വേഗം പ്രായമാകുന്നുവെന്നും തങ്ങളുടെ സെന്‍ററിലെ ഇസ്രയേൽ നിർമിത ടൈം മെഷീൻ ഉപയോഗിച്ചുള്ള തെറാപ്പി പ്രായം കുറയ്ക്കുമെന്നുമായിരുന്നു ഇവരുടെ പ്രചാരണം. പത്തു സെഷനുകൾക്ക് 6000 രൂപ മുതൽ 90000 രൂപയ്ക്കു മൂന്നു വർഷ പാക്കെജും ഇവർ വാഗ്ദാനം ചെയ്തു.

മണി ചെയിൻ മാതൃകയിൽ ആളുകളെ കൂട്ടാനും സംവിധാനമുണ്ടാക്കി. പ്രായം കുറയ്ക്കുമെന്നു കേട്ട് നൂറുകണക്കിനാളുകളാണ് ഇവരുടെ കെണിയിൽ വീണത്. ഏഴു ലക്ഷം രൂപ നഷ്ടമായ രേണു സിങ് പൊലീസിനെ സമീപിച്ചതോടെ ദമ്പതിമാർ മുങ്ങി.

ബാസ്ബോളിനെ 387ൽ ഒതുക്കി ബുംറയും സംഘവും

13 വർഷം വാർഷിക അവധിയില്ലാതെ ജോലി ചെയ്തു; ജീവനക്കാരന് 14 ലക്ഷം നഷ്ടപരിഹാരം നൽകാൻ അബുദാബി കോടതി വിധി

ലോണിന്‍റെ പേരിൽ തർക്കം; ഭാര്യയുടെ മൂക്ക് കടിച്ചു പറിച്ച് യുവാവ്

4 ജനറൽ സെക്രട്ടറിമാർ; ബിജെപി സംസ്ഥാന ഭാരവാഹികളെ പ്രഖ‍്യാപിച്ചു

സുരേഷ് ഗോപിയുടെ പുലിപ്പല്ല് മാല: പരാതിക്കാരനോട് നേരിട്ട് ഹാജരാകാന്‍ നോട്ടീസ്