അബുദാബി: അസ്ഥിര കാലാവസ്ഥ കണക്കിലെടുത്ത് ഡെലിവറി ബൈക്ക് റൈഡർമാർക്ക് അബുദാബി പൊലീസ് പ്രത്യേക ജാഗ്രതാ നിർദേശം നൽകി. റോഡുകളിലെ കാഴ്ചപരിധി കുറയുന്നതും ശക്തമായ കാറ്റും ഇരുചക്ര വാഹനയാത്രക്കാർക്ക് ഭീഷണിയാണെന്ന് പൊലീസ് മുന്നറിയിപ്പ് നൽകി.

സ്ഥിതി മെച്ചപ്പെടുന്നതുവരെ അത്യാവശ്യമല്ലാത്ത ഡെലിവറി യാത്ര ഒഴിവാക്കാനും സുരക്ഷിത ഇടങ്ങളിൽ തങ്ങാനും റൈഡർമാരോട് പൊലീസ് നിർദേശിച്ചു. ഡെലിവറി കമ്പനികൾ ജീവനക്കാരുടെ സുരക്ഷ ഉറപ്പാക്കണമെന്നും മോശം കാലാവസ്ഥയിൽ അവരെ ജോലിക്ക് നിയോഗിക്കരുതെന്നും പൊലീസ് ആവശ്യപ്പെട്ടു.