ദുബായ്: ജനറൽ ഡയറക്ടറേറ്റ് ഓഫ് ഐഡന്‍റിറ്റി ആൻഡ് ഫോറിനേഴ്സ് അഫയേഴ്സ് കാര്യാലയങ്ങൾക്ക് ജൂൺ 5 മുതൽ 8 വരെ ഈദ് അവധിയായിരിക്കും. ദുബായ് അന്താരാഷ്ട്ര വിമാനത്താവളത്തിലെ ടെർമിനൽ 3 (അറൈവൽ) ലെ കസ്റ്റമർ ഹാപ്പിനസ് സെന്‍റർ അവധിക്കാലത്ത് 24 മണിക്കൂറും പ്രവർത്തിക്കുമെന്ന് ഡയറക്ടറേറ്റ് അറിയിച്ചു.

അൽ അവിർ കസ്റ്റമർ ഹാപ്പിനസ് സെന്‍റർ എല്ലാ ദിവസവും രാവിലെ 6 മുതൽ രാത്രി 10 വരെ പ്രവർത്തിക്കുമെന്നും ജിഡിആർഎഫ്എ വ്യക്തമാക്കി. ജിഡിആർഎഫ്എ ദുബായുടെ ഡിജിറ്റൽ സേവന പ്ലാറ്റ്‌ഫോമുകൾ മുഴുവൻ സമയവും ലഭ്യമാകും.

ഔദ്യോഗിക വെബ്സൈറ്റായ www.gdrfad.gov.ae, ദുബായ് നൗ, GDRFA DXB സ്മാർട്ട് ആപ്പുകൾ എന്നിവ വഴി ഉപയോക്താക്കൾക്ക് സേവനം ലഭ്യമാകും.

കൂടുതൽ വിവരങ്ങൾക്കും സംശയങ്ങൾക്കും 24 മണിക്കൂറും പ്രവർത്തിക്കുന്ന ടോൾ ഫ്രീ നമ്പറായ 8005111 ഇൽ വിളിക്കാമെന്ന് അധികൃതർ അറിയിച്ചു.