നാട്ടിൽ തിരിച്ചെത്തുന്ന പ്രവാസികൾക്ക് സംരംഭം തുടങ്ങാൻ സഹായം
Norka Roots
തിരികെയെത്തിയ പ്രവാസികള്ക്ക് സ്വയംതൊഴില് സംരംഭങ്ങള് ആരംഭിക്കുന്നതിന് ആവശ്യമായ സഹായം നല്കുന്ന പുനരധിവാസ പദ്ധതിയാണ് നോര്ക്ക ഡിപ്പാര്ട്ടുമെന്റ് പ്രോജക്ട് ഫോര് റിട്ടേണ് എമിഗ്രന്റ്സ് (NDPREM). സംരംഭങ്ങള് തുടങ്ങാനായി 30 ലക്ഷം രൂപ വരെയുള്ള പദ്ധതികള്ക്ക് 15% മൂലധന സബ്സിഡിയും (പരമാവധി 3 ലക്ഷം) 4 വര്ഷത്തേക്ക് 3% പലിശ സബ്സിഡിയുമാണ് പദ്ധതി മുഖേന നല്കുക.
2016 മുതല് 2025 മാര്ച്ച് 10,526 പ്രവാസിസംരംഭങ്ങള് എന്ഡിപിആര്ഇഎം പദ്ധതിവഴി ആരംഭിക്കാനായി. കൊവിഡ് മഹാമാരിയെ തുടര്ന്ന് തൊഴില് നഷ്ടപ്പെട്ട് നാട്ടില് തിരിച്ചെത്തിയവര്ക്കും, സ്വയം തൊഴില് ചെയ്യാന് സന്നദ്ധതയുള്ളവര്ക്കുമായി 2021 - 2022 സാമ്പത്തിക വര്ഷത്തില് ആരംഭിച്ച പ്രവാസി ഭദ്രത പദ്ധതിയുടെ കീഴില് 13,906 പ്രവാസികേരളീയര്ക്ക് സ്വയം തൊഴിലോ സംരംഭങ്ങളോ ആരംഭിക്കാനായി.