അബുദാബി: അബുദാബിയിലെ വനിതകളുടെ കൂട്ടായ്മയായ ഷീ സംഘടിപ്പിക്കന്ന ഷീ സൂപ്പർ ഷെഫ് സീസൺ 2 തത്സമയ പാചക മത്സരം നവംബർ 2ന് (ശനിയാഴ്ച) ബെൻസർ ഫാമിൽ നടക്കുമെന്ന് സംഘാടകർ അറിയിച്ചു. അവസാന റൗണ്ടിലെത്തിയ 20 മത്സരാർത്ഥികൾ തങ്ങളുടെ പാചക വൈദഗ്ധ്യവും സർഗ്ഗാത്മകതയും പ്രദർശിപ്പിക്കും.

30 അപേക്ഷകരിൽ നിന്നും കർക്കശമായ തിരഞ്ഞെടുപ്പ് പ്രക്രിയക്ക് ശേഷമാണ് അവസാന റൗണ്ടിലെ 20 മത്സരാർത്ഥികളെ തിരഞ്ഞെടുത്തത്. പ്രാദേശികമായി ലഭിക്കുന്ന ചേരുവകൾ ചേർത്താണ് മത്സരാർത്ഥികൾ തനതായ വിഭവങ്ങൾ തയ്യാറാക്കുക. വിജയികൾക്ക് സമ്മാനം നൽകുമെന്ന് ബന്ധപ്പെട്ടവർ അറിയിച്ചു.