ദുബായ്: 2025-ലെ യു.എൻ അഭയാർത്ഥി പദ്ധതിയെ പിന്തുണക്കുന്നതിന്റെ ഭാഗമായി രണ്ട് ലക്ഷം ഡോളർ (734,600 ദിർഹം) നൽകുമെന്ന് യുഎഇ അറിയിച്ചു. ദശലക്ഷക്കണക്കിന് പേരുടെ ജീവൻ രക്ഷിക്കാനും കുടിയൊഴിപ്പിക്കപ്പെട്ട ആളുകൾക്ക് സഹായം നൽകാനും യുഎൻ അഭയാർഥികൾക്കായുള്ള യുഎൻ ഹൈക്കമ്മീഷണറെ (യുഎൻഎച്ച്സിആർ) സഹായിക്കുന്നതിനുള്ള യു എ ഇ യുടെ പ്രതിബദ്ധതയാണ് ഇതിലൂടെ വ്യക്തമാവുന്നതെന്ന് യു.എന്നിലെ യു.എ.ഇയുടെ സ്ഥിരം പ്രതിനിധി ജമാൽ അൽ മുഷാറഖ് പറഞ്ഞു. അഭയാർത്ഥികളുടെ ദുരവസ്ഥ ലഘൂകരിക്കുന്നതിനുള്ള യുഎഇയുടെ പിന്തുണയ്ക്കും പ്രതിബദ്ധതയ്ക്കും ഐക്യരാഷ്ട്രസഭയുടെ അഭയാർത്ഥി ഹൈക്കമ്മീഷണർ ഫിലിപ്പോ ഗ്രാൻഡി നന്ദി അറിയിച്ചു.