കേരള ബ്ലാസ്റ്റേഴ്സിന് (kerala blasters) 4 കോടി രൂപ പിഴ വിധിച്ച് ഓ​ള്‍ ഇ​ന്ത്യ ഫു​ട്‌​ബോ​ള്‍ ഫെ​ഡ​റേ​ഷ​ൻ (എ​ഐ​എ​ഫ്എ​ഫ്). കോച്ച് ഇ​വാ​ന്‍ വു​കോ​മാ​നോ​വി​ച്ചിന് (Ivan Vukomanovic) പത്തു കളികളിൽ നിന്ന് വിലക്കും, 5 ലക്ഷം രൂപ പിഴശിക്ഷയും ഫെഡറേഷൻ അച്ചടക്കസമിതി വിധിച്ചിട്ടുണ്ട്. ഐഎസ്എൽ പ്ലേ ഓഫ് മത്സരം പൂർത്തിയാക്കാതെ ഗ്രൗണ്ട് വിട്ടു പോയതിനാണു നടപടി. സംഭവത്തിൽ ബ്ലാസ്റ്റേഴ്സ് മാപ്പ് പറയണമെന്നും, ഇല്ലെങ്കിൽ പിഴത്തുക ആറു കോടിയായി ഉയരുമെന്നും ഫുട്ബോൾ ഫെഡറേഷൻ വ്യക്തമാക്കുന്നു. വു​കോ​മാ​നോ​വി​ച്ചിനോടും മാപ്പ് പറയണമെന്ന് ആവശ്യപ്പെട്ടിട്ടുണ്ട്. ഇല്ലെങ്കിൽ പിഴത്തുക പത്തു ലക്ഷമായി ഉയരും. ടീമിനും കോച്ചിനും ഈ വിധിയിൽ അപ്പീലിനു പോകാനുള്ള അവകാശമുണ്ട്

മാർച്ച് 3-ന് ഐഎ​സ്എ​ല്‍ പ്ലേ ​ഓ​ഫി​ല്‍ ബെം​ഗ​ളൂ​രു എ​ഫ്സി​ക്കെ​തി​രാ​യ മ​ത്സ​ര​ത്തി​ല്‍ വി​വാ​ദ​ഗോ​ളി​നെ തു​ട​ര്‍ന്ന് ബ്ലാ​സ്റ്റേ​ഴ്സ് മ​ത്സ​രം പൂ​ര്‍ത്തി​യാ​ക്കാ​തെ മടങ്ങിയിരുന്നു. ക​ളി​യു​ടെ എ​ക്സ്ട്രാ ടൈ​മി​ല്‍ 15 മി​നി​റ്റോ​ളം ശേ​ഷി​ക്കെ ടീ​മി​നെ വു​കോ​മാ​നോ​വി​ച്ച് തി​രി​ച്ചു​വി​ളി​ച്ച സംഭവം വിവാദമായിരുന്നു.

ഐ​എ​സ്എ​ല്ലി​ല്‍ ആദ്യമായാണ് ഒ​രു ടീം ​ബ​ഹി​ഷ്‌​ക​ര​ണം ന​ട​ത്തി ഇ​റ​ങ്ങി​പ്പോ​കു​ന്ന​ത്. സംഭവത്തിൽ എ​ഐ​എ​ഫ്എ​ഫ് ഇ​വാ​ന്‍ വു​ക​മാ​നോ​വി​ച്ചി​ന് പ്ര​ത്യേ​കം നോ​ട്ടീ​സ് അ​യ​ച്ചി​രു​ന്നു. നോ​ട്ടീ​സി​ന് അ​ദ്ദേ​ഹം മ​റു​പ​ടി​യും ന​ല്‍കി. ''താ​ര​ങ്ങ​ളെ തി​രി​ച്ചു​വി​ളി​ച്ച​ത് പെ​ട്ടെ​ന്നെ​ടു​ത്ത തീ​രു​മാ​ന​മാ​യി​രു​ന്നു. പ​ല റ​ഫ​റീ​യിം​ഗ് തീ​രു​മാ​ന​ങ്ങ​ളും ടീ​മി​ന് എ​തി​രാ​യി​രു​ന്നു. ക​ഴി​ഞ്ഞ സീ​സ​ണി​ലെ ഫൈ​ന​ലി​ലും റ​ഫ​റി പി​ഴ​വ് വ​രു​ത്തി. അ​തേ റ​ഫ​റി വീ​ണ്ടും പി​ഴ​വ് വ​രു​ത്തി​യ​ത് സ​ഹി​ക്കാ​നാ​യി​ല്ല, വു​ക​മാ​നോ​വി​ച്ച് വിശദീകരിച്ചു.