മുംബൈ: ദക്ഷിണാഫ്രിക്കയ്ക്കെതിരായ രണ്ടാം ക്രിക്കറ്റ് ടെസ്റ്റിനുള്ള ഇന്ത്യൻ ടീമിൽ പേസ് ബൗളർ ആവേശ് ഖാനെ ഉള്പ്പെടുത്തി. പരുക്കേറ്റ പേസ് ബൗളർ മുഹമ്മദ് ഷമി നേരത്തെ തന്നെ പരമ്പരയിൽ നിന്നു പിൻമാറിയിരുന്നു. അന്നു ഷമിക്കു പകരക്കാരെ പ്രഖ്യാപിച്ചിരുന്നില്ലെങ്കിലും ഇപ്പോൾ ആ സ്ഥാനത്തേക്ക് ആവേശ് ഖാനെ തെരഞ്ഞെടുത്തിരിക്കുകയാണ്. രണ്ടാം ടെസ്റ്റിനു മുൻപ് ടീമിനൊപ്പം ചേരാൻ ഷമിക്കു സാധിക്കുമെന്നായിരുന്നു സെലക്റ്റർമാരുടെ പ്രതീക്ഷ. ഇതു സാധിക്കില്ലെന്ന് ഉറപ്പായതോടെയാണ് ആവേശിനു നറുക്ക് വീണത്.
ദക്ഷിണാഫ്രിക്കെതിരായ ഏകദിന പരമ്പരയിൽ ആറ് വിക്കറ്റ് ആവേശ് ഖാൻ സ്വന്തമാക്കിയിരുന്നു. ദക്ഷിണാഫ്രിക്ക എ ടീമുമായുള്ള ചതുര്ദിനമത്സരത്തിനായി ദക്ഷിണാഫ്രിക്കന് പര്യടനം നടത്തുന്ന ഇന്ത്യന് എ ടീമിനൊപ്പമാണ് ആവേശ് ഖാന് ഇപ്പോഴുള്ളത്. രണ്ടാം മത്സരത്തിൽ അഞ്ച് വിക്കറ്റ് നേട്ടവും കൈവരിച്ചിരുന്നു.
ജസ്പ്രിത ബുമ്ര, മുഹമ്മദ് സിറാജ്, പ്രസിദ്ധ് കൃഷ്ണ, ശാര്ദുല് ഠാക്കൂര് എന്നീ നാലുപേസര്മാരുമായാണ് ദക്ഷിണാഫ്രിയ്ക്കെതിരായ ആദ്യ ടെസ്റ്റില് ഇന്ത്യ ഇറങ്ങിയത്.