ബ്രസീലിയൻ സൂപ്പർ താരം നെയ്മറിനും സോഷ്യല് മീഡിയ ഇന്ഫ്ലുവന്സറും മോഡലുമായ കാമുകി ബ്രൂണ ബിയാൻകാർഡിക്കും പെൺകുഞ്ഞ് പിറന്നു. ഇരുവരും ഇൻസ്റ്റഗ്രാം പേജിലൂടെയാണ് ഈ സന്തോഷ വാർത്ത പങ്കുവച്ചിരിക്കുന്നത്.
'മാവി' ഞങ്ങളുടെ ജീവിതം പൂർത്തിയാക്കാൻ വന്നു, സ്വാഗതം മകളേ... നീ ഞങ്ങൾക്ക് വളരെ പ്രിയപ്പെട്ടവൾ എന്നായിരുന്നു ചിത്രത്തിന് നൽകിയ ക്യാപ്ഷൻ. ചിത്രത്തിന് താഴെ നിരവധി പേരാണ് ആശംസ അറിയിച്ച് രംഗത്തെത്തിയിരിക്കുന്നത്.
കഴിഞ്ഞ ഏപ്രില് മാസമാണ് നെയ്മര് തന്റെ കാമുകി ബ്രൂണ ഗര്ഭിണിയാണെന്ന സന്തോഷ വാർത്ത പുറത്തുവിടുന്നത്. ആദ്യ കാമുകി കരോലീന ഡാന്റാസില് നെയ്മര്ക്ക് 12 വയസുള്ള മകനുണ്ട്. ഡേവി ലൂക്കയെന്നാണ് മകന്റെ പേര്. നെയ്മറുടെ രണ്ടാമത്തെ കുഞ്ഞാണിത്.