കൊച്ചി: സൂപ്പർ താരം അഡ്രിയാൻ ലൂണയ്ക്കു പിന്നാലെ ക്വാമെ പെപ്രയ്ക്കും പരുക്കേറ്റത് ഐഎസ്എല്ലില് കേരള ബ്ലാസ്റ്റേഴ്സിന് കനത്ത തിരിച്ചടിയായി. മുന്നേറ്റനിരയിലെ മികച്ച താരമായ പെപ്രയ്ക്ക് സീസണിൽ ഇനി കളിക്കാനാവില്ലെന്നാണ് വിശദീകരണം.
സൂപ്പര് കപ്പില് ജംഷദ്പുര് എഫ്സിക്കെതിരായ മത്സരത്തിനിടെ എതിര് ടീം ഗോള്കീപ്പറുമായി കൂട്ടിയിടിച്ചാണ് പെപ്രയ്ക്ക് പരുക്കേറ്റത്. ഇതോടെ താരം കഴിഞ്ഞ ഗ്രൂപ്പ് മത്സരത്തില് കളിച്ചിരുന്നില്ല.
നിലവില് ഐഎസ്എല് പോയന്റ് പട്ടികയില് 12 മത്സരങ്ങളില് നിന്ന് 26 പോയന്റുമായി ബ്ലാസ്റ്റേഴ്സ് ഒന്നാം സ്ഥാനത്താണ്.