ഗോള്ഡി ബ്രാറിനെ ഭീകരനായി പ്രഖ്യാപിച്ച് കേന്ദ്ര സര്ക്കാർ
ന്യൂഡൽഹി: ക്യാനഡ കേന്ദ്രമായി പ്രവർത്തിക്കുന്ന ഗൂണ്ടാത്തലവൻ (സതീന്ദർജിത്ത് സിങ്ങി ( ഗോൾഡി ബ്രാർ)നെ കേന്ദ്ര സർക്കാർ യുഎപിഎ പ്രകാരം ഭീകരനായി പ്രഖ്യാപിച്ചു. പഞ്ചാബി ഗായകൻ സിദ്ധു മൂസേവാലയുടെ കൊലപാതകത്തിന്റെ ആസൂത്രകനാണ് ഗോൾഡി ബ്രാർ.
തീവ്ര ആശയങ്ങൾ പ്രചരിപ്പിക്കുന്ന ബ്രാർ നിരവധി കൊലക്കേസുകളിൽ പ്രതിയാണെന്നും പാക്കിസ്ഥാൻ ചാരസംഘടനയുടെ പിന്തുണയോടെയാണു പ്രവർത്തിക്കുന്നതെന്നും കേന്ദ്ര ആഭ്യന്തര മന്ത്രാലയം. നിരവധി ദേശീയ നേതാക്കൾക്കെതിരേ ബ്രാർ ഭീഷണി മുഴക്കിയിട്ടുണ്ട്.
കൂടാതെ പണം ആവശ്യപ്പെട്ട് പലരെയും തട്ടിക്കൊണ്ടുപോകുകയും കൊലപ്പെടുത്തുകയും ചെയ്തിട്ടുണ്ടെന്നും നിരോധിത സിഖ് ഭീകര സംഘടന ബബ്ബർ ഖൽസ ഇന്റർനാഷണലിൽ അംഗം കൂടിയായ ബ്രാറിനെതിരായ ഉത്തരവിൽ പറയുന്നു.