കൊച്ചി: സംസ്ഥാനത്ത് സ്വർണവില പതിവുപോലെ പുതിയ റെക്കോർഡിൽ. പവന് 640 വർധിച്ച് ഇന്ന് ഒരു പവൻ സ്വർണത്തിന്‍റെ വില 64,080 രൂപയായി, സംസ്ഥാനത്ത് ആദ്യമായാണ് സ്വർണ വില 64,000 കടക്കുന്നത്. ഗ്രാമിന് 8,060 രൂപയാണ് വിപണി വില.

കഴിഞ്ഞ ഒരാഴ്ചയ്ക്കിടെ പവന് 2840 രൂപയുടെ വർധനയാണ് ഉണ്ടായിരിക്കുന്നത്. അമെരിക്കൻ പ്രസിഡന്‍റ് ഡോണൾഡ് ട്രംപിന്‍റെ വ്യാപാര നയങ്ങൾ ആഗോള വ്യാപാര യുദ്ധത്തിലേക്ക് വഴിവെക്കുമെന്ന് ആശങ്ക ഉയർന്നതിനെ തുടർന്നാണ് സ്വർണവില കുത്തനെ ഉയർന്നത്. നിലവിൽ പണിക്കൂലിയും ജിഎസ്ടിയും ഉൾപ്പെടെ ഒരു പവൻ സ്വർണം വാങ്ങണമെങ്കിൽ 72,000 രൂപയോളം നൽകേണ്ടി വരും.