ചിപ്പി രഞ്ജിത്ത്
ഒരിക്കൽ സിനിമയിൽ സജീവമായിരുന്ന നടിയായിരുന്നു ചിപ്പി. തുടർന്ന് വിവാഹത്തിന് ശേഷം ബിഗ് സ്ക്രീനിൽ നിന്ന് ഇടവേളയെടുത്ത ചിപ്പി മിനി സ്ക്രീനിൽ സജീവമായിരുന്നു. ഇപ്പോഴിതാ 25 വർഷത്തിന് ശേഷം ബിഗ് സ്ക്രീനിലേക്ക് ചിപ്പി തിരിച്ചെത്തിയിരിക്കുകയാണ്. മോഹൻലാലിന്റെ മകൾ വിസ്മയയുടെ ആദ്യ ചിത്രം തുടക്കത്തിലൂടെയാണ് ചിപ്പിയുടെയും രണ്ടാം വരവ്.
അന്ന് മോഹൻലാലിന്റെ പെങ്ങളായിരുന്ന ചിപ്പി ഇന്ന് വിസ്മയയുടെ അമ്മയാണ് സിനിമയിലെത്തുന്നത്. മോഹൻലാലിനും വിസ്മയക്കും ജൂഡ് ആന്തണിക്കും ആന്റണി പെരുമ്പാവൂരിനുമെല്ലാം നന്ദി പറഞ്ഞുകൊണ്ട് ചിപ്പി തന്നെയാണ് ഈ സന്തോഷ വാർത്ത പങ്കുവച്ചിരിക്കുന്നത്. 2000ൽ റിലീസ് ചെയ്ത ‘കാറ്റുവന്നു വിളിച്ചപ്പോൾ’ എന്ന ചിത്രത്തിലായിരുന്നു ചിപ്പി ഏറ്റവും ഒടുവിലായി വേഷമിട്ടത്
ജൂഡ് ആന്തണി സംവിധാനം ചെയ്യുന്ന ചിത്രം ആന്റണി പെരുമ്പാവൂരാണ് നിർമിക്കുന്നത്. ആന്റണി പെരുമ്പാവൂരിന്റെ മകൻ ആശിഷ് ജോ ആന്റണിയും ചിത്രത്തിൽ പ്രധാന വേഷത്തിലെത്തുന്നുണ്ട്. മോഹൻലാലും ചിത്രത്തിൽ അതിഥി വേഷത്തിലെത്തുന്നുണ്ട്. സായ് കുമാർ, ബോബി കുര്യൻ, മനോജ് കെ ജയൻ, ഗണേഷ് കുമാർ, അശ്വിൻ, കോട്ടയം രമേഷ്, ജയ കുറുപ്പ്, ജാഫർ ഇടുക്കി എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്.