പുതുതലമുറയെ ഉന്നംവെച്ച് പെരുമാൾ കാശി സംവിധാനം നിർവ്വഹിച്ച ചിത്രമാണ് 'എൻജോയ്'. മാർച്ച് 17ന് തിയറ്റർ റിലീസ് ചെയ്യാനൊരുങ്ങുന്ന ഈ ചിത്രം 2022 ഡിസംബർ 23 ന് പുറത്തിറങ്ങിയ തമിഴ് ചിത്രത്തിൻ്റെ മലയാളം പതിപ്പാണ്. എൽ.എൻ.എച്ച് ക്രിയേഷൻസിൻ്റെ ബാനറിൽ ലക്ഷ്മി നാരായണൻ അവതരിപ്പിക്കുന്ന ഈ ചിത്രത്തിൽ മദൻ കുമാർ, വിഘ്നേഷ്, ഹാരിഷ് കുമാർ, നിരഞ്ജന, അപർണ, ചാരുമിസ, സായ് ധന്യ, ഹസിൻ, യോ​ഗി റാം, എന്നിവരാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. 

പണത്തിൻ്റെ കൊഴുപ്പിൽ മൂന്ന് പെൺകുട്ടികൾ കോളേജിലും ഹോസ്റ്റലിലും കാണിച്ചുകൂട്ടുന്ന ആഡംബരങ്ങൾക്കും ആഘോഷങ്ങൾക്കുമൊപ്പം മൂന്ന് ചെറുപ്പക്കാർ ചേരുന്നതോടെ അരങ്ങേറുന്ന രസകര മുഹൂർത്തങ്ങളാണ് ചിത്രം പറയുന്നത്. കെ.എൻ അക്ബർ ഛായാ​ഗ്രഹണം നിർവ്വഹിച്ച ചിത്രത്തിൻ്റെ ചിത്രസംയോജനം മണികുമാരാനും സം​ഗീതം കെ.എം രായനുമാണ് കൈകാര്യം ചെയ്തിരിക്കുന്നത്. സൻഹ ആർട്ട്സ് റിലീസാണ് ചിത്രം കേരളത്തിൽ വിതരണത്തിനെത്തിക്കുന്നത്.

പശ്ചാത്തല സംഗീതം: സബീഷ് -മുരളി,ആർട്ട്: ആർ.ശരവണ അഭിരാമൻ, വരികൾ: വിവേക, ഉമ ദേവി, കൊറിയോഗ്രാഫി: ദീനേഷ്,സ്റ്റൻണ്ട്: ഡയിജർ മണി, ചീഫ് അസോസിയേറ്റ്: എം.എൻ പാർത്ഥസാരഥി, പ്രൊഡക്ഷൻ എക്സിക്യൂട്ടീവ്: ഡി.ഭാസ്ക്കരൻ, വി.എഫ്.എക്സ്: ലയിട്സ് ഓൺ മീഡിയ, സ്റ്റിൽസ്: വിനോദ് ഖന്ന, ഡിസൈൻസ്: എസ്.കെ.ടി ഡിസൈൻ ഫാക്ടറി, പി.ആർഒ : പി.ശിവപ്രസാദ് എന്നിവരാണ് മറ്റ് അണിയറ പ്രവർത്തകർ.