മുംബൈ: പ്രമുഖ ബോളിവുഡ് നടൻ നിതേഷ് പാണ്ഡെ (51)യെ ഹോട്ടൽ മുറിയിൽ മരിച്ച നിലയിൽ കണ്ടെത്തി. ഹൃദയസ്തംഭനമാണ് മരണ കാരണം. നാസിക്കിനു സമീപം ഇഗ്താപുരിയിൽ ഷൂട്ടിങ്ങിനെത്തിയപ്പോഴായിരുന്നു സംഭവം. അദ്ദേഹത്തിന്റെ ഭാര്യാസഹോദരനും നിർമ്മാതാവുമായ സിദ്ധാർത്ഥ് നഗറാണ് വിയോഗ വാർത്ത സ്ഥിരീകരിച്ചത്. ഭാര്യ: അർപ്പിത.
തൊണ്ണൂറുകളിലാണ് നാടകരംഗത്ത് അരങ്ങേറിയത്. പിന്നീട് സിനിമാ - സീരിയൽ രംഗത്ത് സജീവമായ നിതേഷ് പാണ്ഡെ അവിസ്മരണീയമായ വേഷങ്ങളിലൂടെ പ്രേക്ഷകരുടെ പ്രീതി പിടിച്ചു പറ്റി. ഓം ശാന്തി ഓം, ദബാംഗ് 2, ഖോസ്ല കാ ഘോസ്ല തുടങ്ങിയ ചിത്രങ്ങളിൽ അഭിനയിച്ചിട്ടുണ്ട്