ആരാധകരുടെ കാത്തിരിപ്പ് അവസാനിപ്പിച്ചുകൊണ്ടാണ് നടി തൃഷ തമിഴ്നാട് മുഖ്യമന്ത്രി സി. ജോസഫ് വിജയ്ക്ക് പിറന്നാൾ ആശംസകൾ നേർന്നത്. പിറന്നാൾ പോസ്റ്റ് വൈകിയതോടെ ഇരുവരും വേർപിരിഞ്ഞു എന്ന തരത്തിൽ വാർത്തകൾ പ്രചരിച്ചിരുന്നു. ഇതിനെ എല്ലാം കാറ്റിൽ പറത്തിയാണ് തൃഷ വിജയ്ക്ക് പിറന്നാൾ ആശംസകളുമായി എത്തിയത്.

പിറന്നാൾ കേക്കുകൾക്ക് മുന്നിൽ നിറഞ്ഞ ചിരിയോടെ ഇരിക്കുന്ന വിജയ്‌യെ ആണ് ചിത്രത്തിൽ കാണുന്നത്. കൂടെ തൃഷയുമുണ്ട്. അഞ്ച് കേക്കുകളാണ് വിജയ്‌ക്ക് മുന്നിലുള്ളത്. കേക്കുകൾ നോക്കി ചിരിച്ചിരിക്കുകയാണ് വിജയ്. തൃഷ തൊട്ടടുത്ത് വിജയ്‌യെ നോക്കിക്കൊണ്ട് ചിരിച്ചുകൊണ്ടിരിക്കുന്നതും കാണാം. എല്ലാറ്റിനേയും അർഥവത്താക്കുന്ന ആ വ്യക്തിക്ക് ജന്മദിനാശംസകൾ എന്നാണ് തൃഷ സോഷ്യൽ മീഡിയയിൽ കുറിച്ചത്.

വൈകി എത്തിയ തൃഷയുടെ പിറന്നാൾ ആശംസ വൈറലായി. നിരവധി പേരാണ് പോസ്റ്റിന് താഴെ കമന്‍റുമായി എത്തിയത്. അതിനൊപ്പം ആരാധകരുടെ ശ്രദ്ധ പിടിച്ചു പറ്റിയത് തൃഷ പോസ്റ്റിനൊപ്പം കുറിച്ച 00.00 ആണ്. എന്താണ് ഇത് അർഥമാക്കുന്നത് എന്ന ചോദ്യവുമായി നിരവധി പേരാണ് എത്തിയത്.

അതൊരു എയ്ഞ്ചലിക് നമ്പറാണ് എന്നാണ് കണ്ടെത്തൽ. അനന്തത എന്നാണ് ഇതിലൂടെ അർഥമാക്കുന്നത്. പ്രണയത്തിന്‍റെ കാര്യത്തിൽ വരുമ്പോൾ അനന്തകാലം ഞാൻ നിന്നെ പ്രണയിക്കും എന്നാണ് അർഥമാക്കുന്നത് എന്നും പലരും കുറിക്കുന്നു. പുതിയ തുടക്കം എന്നാണ് ഇതിന് അർഥമെന്നും പറയുന്നവരുണ്ട്. അതിനിടെ ചിത്രം പുതിയതു തന്നെയാണോ എന്ന് സംശയം ഉന്നയിച്ചുകൊണ്ടുള്ള കമന്‍റുകളും വരുന്നുണ്ട്.