പ്രായണീയേഷ്ടി: പത്ഥ്യാസ്വസ്തി, അഗ്നി, സോമൻ, സവിതാവ്, അദിതി എന്നീ ദേവതകൾക്കായുള്ള ഇഷ്ടി

സോമക്രയണം: മൂജവാൻ പർവതത്തിൽനിന്നു കൊണ്ടുവരുന്ന സോമലതയെ ഔപചാരികമായി വാങ്ങുന്നു. അതിനെ രണ്ടു കാളകളെ പൂട്ടിയ ചാട്ടിൻപുറങ്ങളിലായി ശാലയിൽ പ്രവേശിപ്പിക്കുന്നു.

ആതിത്ഥ്യേഷ്ടി: അഗ്നി, സോമൻ, വിഷ്ണു എന്നിവർക്കായുള്ള ഇഷ്ടി

സോമപ്യായനം: ഋത്വിക്കുകൾ ചേർന്ന് സോമലതയെ മന്ത്രം ചൊല്ലി പാവനമാക്കുന്നു. തുടർന്നുള്ള രണ്ടു ദിവസങ്ങളിലും ഇതു വേണം.

പ്രവർഗ്യസംഭാരം: ഇനിയുള്ള മൂന്നു ദിവസങ്ങളിൽ ചെയ്യേണ്ട പ്രവർഗ്യം എന്ന ക്രിയയ്ക്കുള്ള വസ്തുക്കൾ ഔപചാരികമായി ഉണ്ടാക്കി സംഭരിക്കുന്നു.

പൂർവാഹ്നികപ്രവർഗ്യം: യാഗത്തിലെ വളരെ തീക്ഷ്ണമായ ക്രിയ. ശാന്തിമന്ത്രങ്ങൾ ചൊല്ലി പ്രകൃതിയെ നിർമലമാക്കി, തീക്ഷ്ണമായ അഗ്നിജ്വാലകളാൽ ചുറ്റുപാടും ശുദ്ധമാക്കുന്നു.

ഉപസദിഷ്ടി: പ്രവർവർഗ്യത്തിനോട് അനുബന്ധിച്ചുള്ള ഇഷ്ടി. അഗ്നി, സോമൻ, വിഷ്ണു എന്നിവർ ദേവതകൾ

അപരാഹ്നികപ്രവർഗ്യോപസത്തുക്കൾ: പ്രവർഗ്യവും ഉപസത്തും ദിവസവും രണ്ടു നേരം വേണം.