വ്യത്യസ്തമായ പശ്ചാത്തലത്തിൽ സാമ്പത്തികമായി മുന്നേറ്റമുണ്ടാക്കിയ ഗുജറാത്തിലെ ഖാചാച്ചിൽ സ്ഥിതിചെയ്യുന്ന മഥാപ്പർ എന്ന കൊച്ചു ഗ്രാമം. രാജ്യത്തെ പ്രമുഖ വ്യവസായശാലകൾ പലതും ഗുജറാത്തിൻ്റെ സാമ്പത്തിക സമൃദ്ധിയുടെ അടയാളങ്ങളാണ്. എന്നാൽ ഇതിൽ നിന്നെല്ലാം വ്യത്യസ്തമായ പശ്ചാത്തലത്തിൽ സാമ്പത്തികമായി മുന്നേറ്റമുണ്ടാക്കിയ ഗ്രാമമാണ് മഥാപ്പർ.

ഈ ഗ്രാമത്തിലെ പ്രവാസി ഇന്ത്യക്കാരാണ് മഥാപ്പറിലെ സമ്പത്തിനും ,കോടികൾ നിക്ഷേപമുള്ള ബാങ്കുകൾക്കും കരുത്താകുന്നത്. ഇവിടെ ഏകദേശം 20,000 കോടി കുടുംബങ്ങളിൽ 12000 ഓളം കുടുംബങ്ങളും വിദേശത്തതാണ് താമസം. ഏകദേശം പറഞ്ഞാൽ 7000 കോടി രൂപയാണ് ഈ ഗ്രമത്തിലുള്ളവർ ഇവിടത്തെ ബാങ്കുകളിൽ സ്ഥിരം നിക്ഷേപം നടത്താറുള്ളത്. വിദേശത്താണെങ്കിലും സ്വന്തം സമ്പാദ്യം ഗ്രാമത്തിന്റെ ബാങ്കുകളിലും പോസ്റ്റ് ഓഫീസികളിലും അടക്കം നിക്ഷേപിച്ചിരിക്കുന്ന ഇവരുടെ ഈ ശീലമാണ് മഥാപ്പറിനെ സമ്പന്നമായ ഗ്രാമമാക്കി മാറ്റുന്നത്.

റോഡ്, ശുചീകരണം, വെള്ളം തുടങ്ങിയ അടിസ്ഥാന സൗകര്യങ്ങളുടെ കാര്യത്തിൽ മധാപുർ മികച്ചതാണ്. പൊതു-സ്വകാര്യ സ്കൂളുകൾ ഈ ഗ്രാമത്തിൻ്റെ സാമ്പത്തിക മുന്നേറ്റത്തിൻ്റെ പ്രതീകങ്ങളാണ് .ആരാധനാലയങ്ങളാകാട്ടെ മഥാപ്പറിന്റെ പ്രൗഢി വിളിച്ചു പറയുന്നു . സാമ്പത്തിക അഭിവൃദ്ധിക്കായി നാട് വിട്ട് അന്യനാട്ടിലെത്തി ജീവിതം കരുപ്പിടിപ്പിക്കുന്ന എല്ലാ പ്രവാസികൾക്കും മാതൃകയാകുന്നുണ്ട് മധാപുരിലെ പ്രവാസികളുടെ സ്വന്തം ഗ്രാമത്തോടുള്ള കരുതൽ