കൊച്ചി: അത്യാധുനിക ഹെയർ, ബ്യൂട്ടി സേവനങ്ങൾക്ക് ആഗോളതലത്തിൽ അംഗീകരിക്കപ്പെട്ട സലൂൺ ശൃംഖലയായ Toni&Guy ടോണി ആൻഡ് ഗൈ, കൊച്ചിയിലെ പനമ്പിള്ളി നഗറിൽ അവരുടെ എസൻഷ്വൽസ് ലൈൻ ആരംഭിച്ചു.
പ്രീമിയം ഹെയർകട്ടുകൾ, സ്റ്റൈലിംഗ്, സൗന്ദര്യ ചികിത്സകൾ എന്നിവ ലഭ്യമാക്കുക എന്ന ലക്ഷ്യത്തോടെയാണ് കൊച്ചി നഗരത്തിലെ ഏറ്റവും സജീവമായ മേഖലകളിലൊന്നായ പനമ്പിള്ളി നഗറിൽ തന്നെ സലൂൺ ആരംഭിച്ചിരിക്കുന്നത്.
കർണാടകയിലെയും കേരളത്തിലെയും സൗന്ദര്യ വ്യവസായത്തിൽ ശക്തമായ സാന്നിധ്യമുള്ള പ്രമുഖ പ്രൊഫഷണൽ സേവന സ്ഥാപനമായ ഹയാസിന്ത് ബ്യൂസാണ് പുതിയ സംരംഭത്തിനു പിന്നിൽ.
മേഖലയിലുടനീളമുള്ള സലൂണുകൾ കൈകാര്യം ചെയ്യുന്നതിൽ വിപുലമായ അനുഭവപരിചയമുള്ള ഹയാസിന്ത് ബ്യൂസ് ടോണി ആൻഡ് ഗൈ ബ്രാൻഡിന്‍റെ പര്യായമായ ഉയർന്ന നിലവാരം നിലനിർത്താൻ സജ്ജമാണെന്ന പ്രഖ്യാപനവുമായി കൊച്ചിയിലെത്തിയിരിക്കുന്നത്.
പനമ്പിള്ളി നഗറിൽ എസ്സെൻഷ്വൽസ് ആരംഭിക്കുന്നത് സൗന്ദര്യപ്രേമികളെ ആകർഷിക്കുമെന്നും സാംസ്‌കാരിക വാണിജ്യ കേന്ദ്രമെന്ന നിലയിലുള്ള പ്രദേശത്തിന്‍റെ പ്രശസ്തി കൂടുതൽ ഉറപ്പിക്കുമെന്നുമാണ് അണിയറ പ്രവർത്തകരുടെ പ്രതീക്ഷ.