ന്യൂഡൽഹി: 2 മിനിറ്റിനുള്ളിൽ ബൈക്ക് യാത്രക്കാരന് നഷ്ടമായത് 40 ലക്ഷം. ട്രാഫിക് സിഗ്നലിൽ വച്ചാണ് ബൈക്ക് യാത്രക്കാരന്‍റെ ബാഗിൽ നിന്നും 40 ലക്ഷം കവർന്നത്. സംഭവത്തിൽ 2 പേരെ അറസ്റ്റ് ചെയ്തു. അഭിഷേക്, ആകാശ് എന്നിവരെയാണ് ഡൽഹി പൊലീസ് അറസ്റ്റ് ചെയ്‍തത്.

ചെങ്കോട്ടയ്ക്ക് സമീപത്തെ ട്രാഫിക് സിഗ്നലിൽ വെച്ചാണ് കവർച്ച നടന്നത്. സിഗ്നലിൽ ബൈക്കിന്‍റെ വേഗം കുറച്ചപ്പോൾ പ്രതികളായ 3 പേരും ബൈക്കിനെ പിന്തുടരുകയും തന്ത്രപരമായി ബാഗിന്‍റെ സിപ്പ് തുറന്ന് പണം എടുക്കുകയായിരുന്നു. വാഹനങ്ങൾ തിങ്ങിക്കൂടി നിന്നിരുന്ന സമയത്താണ് മോഷണം. സംഭവത്തിന്‍റെ സിസിടിവി ദൃശങ്ങൾ പുറത്തുവന്നിരുന്നു. പ്രതികളിൽ നിന്ന് 38 ലക്ഷം കണ്ടെടുത്തതായും ഒരാളെ പിടികൂടാനുണ്ടെന്നും പൊലീസ് അറിയിച്ചു.