കൊച്ചി: തൃക്കാക്കരയിൽ എഎസ്ഐയ്ക്ക് നേരേ ഇതര സംസ്ഥാന തൊഴിലാളിയുടെ ആക്രമണം. പ്രതിയായ ഹിമാചൽ പ്രദേശ് സ്വദേശി ധനഞ്ജയിവെ പിടികൂടാൻ ശ്രമിക്കുന്നതിനിടെ ഇയാൾ എഎസ്ഐക്ക് നേരെ കല്ലെറിയുകയായിരുന്നു. ഏറ് കൊണ്ട എഎസ്ഐയുടെ തല പൊട്ടി ഏഴ് സ്റ്റിച്ചിട്ടു.
ഞായറാഴ്ച രാത്രി 11 മണിയോടെയായിരുന്നു സംഭവം. തൃക്കാക്കര ഡിഎല്എഫ് ഫ്ലാറ്റിന് സമീപം മദ്യപിച്ച് ലക്കുകെട്ട ഇയാള് വാഹനങ്ങള് തടയുകയും, റോഡില് പരാക്രമം കാട്ടുകയും ചെയ്തത് അറിഞ്ഞാണ് പൊലീസ് സംഘം സ്ഥലത്തെത്തിയത്.
ഇയാളെ പിടികൂടാനായി പൊലീസ് ശ്രമിക്കവെ അക്രമാസക്തനായ പ്രതി പൊലീസുകാരുടെ യൂണിഫോം വലിച്ചു കീറി. പൊലീസുകാരുടെ വിസില് ഉപയോഗിച്ച് മര്ദിച്ചു. തുടര്ന്ന് റോഡില് കിടന്ന കല്ലെടുത്ത് എഎസ്ഐയുടെ നേര്ക്ക് എറിയുകയായിരുന്നു. പ്രാഥമിക ചികിത്സയ്ക്ക് ശേഷം എഎസ്ഐയെ ആശുപത്രിയില് നിന്നും ഡിസ്ചാര്ജ് ചെയ്തു.